Grigoriy Kolosovskiy: "Zarba bermasdan gol urib bo'lmaydi"

"Tan olish kerak, hozirgi paytda "So'g'diyona" bizdan kuchli. Ular g'alabaga haqli edilar. Bugungi o'yinda natijani hal qilgan futbolchilar uchun alohida tayyorgarlik ko'rgandik. Agarda legionerlarni yaxshi qo'riqlay olganimizda, balki, bugun ochko olib ketgan bo'lardik. Tablodagi hisobni ko'rdingiz. Bugun bizda raqib darvozasiga zarba ham bo'lmadi, xavfli hujum ham uyushtira olmadik. Qanday qilib zarba bermasdan gol urish mumkin. Hujumchilardan ko'prog'ini kutgandik. Umuman olganda "So'g'diyona" g'alabaga loyiq edi. Endi barchasini so'nggi tur hal qiladi: "So'g'diyona" uchun 2-o'rin masalasi, biz uchun esa ligada qolish", - dedi Kolosovskiy.