Grigoriy Kolosovskiy: "Endi biz maydonga chiqadigan har bir o'yin final bo'lishi kerak"

O'yin haqida

- Guvohi bo'lganingizdek, og'ir o'yin o'tkazdik. Uchrashuv boshidayoq chetlatishga duch kelganimiz rejalarni o'zgartirib yubordi. Qarshi hujumlarda omadimizni sinab ko'rishga harakat qildik. Bitta zo'r vaziyatimiz bo'ldi, gol urganimizda boshqacha o'yin bo'lardi.

- Natija sizni qoniqtirdimi?

- Natija borasida aytsam, albatta yo'q. Lekin o'yin borasida qoniqdim desam ham bo'ladi. CHunki biz deyarli ikki bo'lim kamchilia bo'lib o'ynashga majbur bo'ldik. Ishlashimiz kerak bo'lgan jihatlar bor, bugun ko'rib oldik va tahlil qilamiz.

- Qizil kartochka ko'rsatilgan vaziyatga munosabatingiz?

- Vaziyatni to'g'ridan-to'g'ri ko'rmay qoldim. Bu futbol va unda mana shunaqa o'yin epizodlari ham bo'lib turadi. Video takrorni ko'rib, xulosa chiqaramiz.

- Jamoadagi mavjud tarkibdan qoniqish hosil qilayapmizmi?

- Jamoada yomon yigitlar jam bo'lmagan. Aytib o'tganimdek, ishlashimiz kerak bo'lgan jihatlar bor. Masalan bugun yaxshi himoyalandik, bu umumiy o'yin sifatiga va natijaga tasir qildi. Tahlil qilamiz, jamoani kuchaytirish borasida ishlaymiz.

- "Metallurg"ni Superligada olib qolish uchun fursat etarlimi?

- Bugun o'z maydonimizda asosiy raqiblardan biri bilan o'yinda g'alabaga erisha olmadik. Istalgan murabbiy bunday natijadan qoniqmaydi. Jamoani Superliga olib qolish uchun endi biz maydonga chiqadigan har bir o'yin final bo'lishi kerak. Zimmamizdagi vazifa shunga qaratilgan. Oldindagi o'yinlarda ijobiy natijalarga erishib, maqsad tomon intilamiz.