"Gamburg" Kalxanoglu va Lazoggani jamoada olib qolmoqchi

"Biz Kalxanogluni hech bir jamoaga qo'yib yubormoqchi emasmiz. U "Gamburg"ning eng asosiy figuralaridan biriga aylana oldi va jamoamiz o'yinida katta ahamiyatga ega.

Bunday iqtidorli o'yinchimizni, albatta, jamoamiz safida olib qolishimiz shart. Biz unga yangi shartnoma taklif qilmoqchimiz. Bu ishni yangi yilda amalga oshirsak kerak", - deya Xakan Kalxanoglu haqida fikr bildirdi Kroycer.

19 yoshli iqtidor sohibining amaldagi shartnomasi 2016 yilga qadar davom etadi. Lekin turk futbolchisiga bir qator top klublardan takliflar kelib tushayotgan tufayli gamburgliklar Xakan bilan o'rtadagi shartnoma muddatini uzaytirishni istashmoqda.
 
"Gamburg" rahbariyati yana bir iqtidorli futbolchi Lazogga bilan ham hamkorlikni davom ettirish niyatida. Pier Mishel Lazogga bundesliganing birinchi davrasida to'qqiz bor raqiblar darvozasini ishg'ol etishga muvaffaq bo'ldi va ko'pchilikning etiborini o'ziga qarata oldi. Ammo u qonunan "Gerta" futbolchisi sanaladi. "Gamburg" Lazoggani yil oxiriga qadar ijaraga olgandi. 22 yoshli futbolchi ajoyib o'yin namoyish etayotgani bois "Gamburg" uni to'laligicha sotib olishni rejalashtirmoqda. Kroycerning aytishicha jamoa Lazogga bilan bu borada dastlabki suhbatni amalga oshirib bo'ldi. Voqealar buyog'iga qanday rivojlanishini esa vaqt ko'rsatadi.