Futzal. Rustam Umarov: "Guruhimizdagi raqiblar kuchsiz emas"

"Qura natijasidan xabar topdim. Toshkentdagi Osiyo chempionati orqali 5ta jamoa Jahon chempionatiga yo'llanma oladi. Barcha jamoalar qita chempionatiga jiddiy tayyorgarlik ko'rmoqda. Guruhimizdagi raqiblar kuchsiz deya olmayman. Barchada imkoniyat bor, sababi o'rtada mundial yo'llanmalari turibdi.

Qirg'iziston va Livan terma jamoalarini yaxshi bilaman. Ular juda xavfli va jiddiy raqib hisoblanishadi. Jamoalar guruhda maksimal ochko olish uchun harakat qilishlari turgan gap. Saudiya Arabistoni terma jamoasiga qarshi o'ynamaganan. Lekin chempionatda kuchsiz jamoa bo'lmaydi, shu bois barcha o'yinga bir xil tayyorgarlik ko'ramiz.

Dastlabki vazifamiz guruhda birinchi o'rinni olish. Undan keyin navbatdagi bosqichlar haqida o'ylaymiz", - deydi terma jamoamiz darvozaboni Rustam Umarov.

Narzulla Saydullaev yozib oldi.