Futzal qiroli Braziliyaga finalda qaysi jamoa raqib bo'lishini istayotganini aytdi

«Ajoyib o'yin guvohiga aylandik. Braziliya katta qiyinchilikka duch keldi, shunga qaramay, final yo'llanmasini qo'lga kiritishga muvaffaq bo'ldik. Endi keyingi raqibni kutamiz.

O'ylaymanki, finalda Braziliya va Argentina o'rtasidagi Janubiy Amerika klassikosi guvohiga aylanamiz. Braziliyaning finaldagi raqibi qaysi jamoa bo'lishidan qatiy nazar, ajoyib o'yin guvohi bo'lishimizga shubha yo'q», dedi Falkao.

Eslatib o'tamiz, Falkao to'rt marta dunyoning eng yaxshi futzalchisi deb topilgan. SHuningdek, u Braziliya tarkibida ikki karra jahon chempionligini qo'lga kiritgan.

Oqil Abdubarnoev suhbatlashdi.