Futboldan chetlatilgan futbolchi bilan aloqaga chiqdik

"O'FA Futbol faoliyatini nazorat qilish boshqarmasi tomonidan Ilhom Mo'minjonovning faoliyatiga qonuniy baho berish maqsadida u bilan birga faoliyat olib borgan futbolchilar va rasmiy shaxslar suhbatga chaqirildi hamda ular bilan suhbatlar o'tkazildi.

O'FA Etika qo'mitasi taqdim qilingan hujjat va dallilarni o'rganib chiqib, bugun 1 aprel kuni O'FA binosida yakuniy yig'ilishini o'tkazdi. Kun tartibidagi masala yuzasidan O'FAning Futbol faoliyatini nazorat qilish boshqarmasi tomonidan ishga oid taqdim etilgan malumotlardan hamda Intizom va odob-axloq (etika) qo'mitasining bildirgan fikr va mulohazalaridan kelib chiqib, yig'ilish qaror qildi:

- “Surxon” PFK jamoasi sardori Jabborov Dilshod “Navbahor lochinlari” PFKning sobiq bosh murabbiysi Mo'minjonov Ilhomga 2017 yil mavsumida kelishilgan o'yinlarni tashkil qilishga yordam berganligi va futbolchilarni o'yinni sotishga undagani, shuningdek, qo'mitaning yozma va og'zaki so'rovlariga etibor bermay uzrli sababsiz qo'mita yig'ilishlariga kelmaganligi uchun O'FA intizom kodeksining 5.52. bandiga asosan 2019 yil futbol mavsumi oxiriga qadar futbol bilan bog'liq har qanday faoliyatdan chetlashtirilsin" - deya xabar berdi O'FA rasmiy sayti.

Biz bugun "Surxon"da to'p tepayotgan "Navbahor"ning sobiq futbolchisi Dilshod Jabborov bilan bog'landik.

Futbolchi O'FA elon qilgan Ilhom Mo'minjonovga kelishilgan o'yinlarni tashkil etishda yordam berganini keskin rad etdi. Dilshod Jabborovning malum qilishicha, "Navbahor"da bunday ishga qo'l urmagan va hech kimni kelishilgan o'yinlarda ishtirok etishga undamagan.

"Bolalar bog'chasi emasku jamoa, men futbolchilarni qanday qilib kelishilgan o'yinlarda ishtirok etishiga yordam beraman yoki futbolchilar undayman? Ular bog'cha bolasimi?", - deydi futbolchi.

O'FA Etika qo'mitasi taqdim qilingan hujjat va dallilarni o'rganib chiqqan O'FAning 1 aprel kuni O'FA binosida o'tkazgan yakuniy yig'ilishida ishtirok etmagan Jabborov diskvalifikaciya haqidagi xabarni qaerdan eshitganini aytdi.

"Hali hech kim bilan gaplashganim yo'q. Hozirgina Toshkentga keldim. Ochig'i, mazam bo'lmagani uchun yotgandim. Termizda edim. Bu xabarni "Championat.asia" saytida o'qidim. Ochig'i, bu xabarni o'qib shokka tushdim", - deydi Jabborov.

Futbolchiga O'FAga hali bormaganini va yaqin kunlar ichida O'FA borib vaziyatga izoh so'rashini takidladi.

"Meni 1 oycha avval O'FAga chaqirishgandi. O'shanda borib, ikki kishi bilan suhbatlashgandim. Qaysi o'yinlar haqida gap ketgan? 2017 yilgi "Navbahor"ning "Metallurg" va "Lokomotiv"ga qarshi Toshkentdagi o'yinlar tilga olingandi. Erta yoki indin O'FAga boraman va mazkur masala bo'yicha vaziyatga oydinlik kiritamiz", - dedi Dilshod Jabborov.

Qayd etish kerakki, 2017 yilgi chempionatda "Navbahor" birinchi davrada Namanganda "Loko" bilan durang o'ynagan. Toshkentda esa "Lokomotiv"dan (2:0) mag'lubiyatga uchragan. "Metallurg" bilan o'yinlar esa Bekobodda 0:0 hisobida durang bo'lgan, Namanganda esa "Navbahor" (2:1) g'alaba qozongan.

Dilshod Jabborov hali "Surxon" jamoasi azosi hisoblanishini va o'rtadagi bitim bekor qilinmaganini takidladi.

Futbolchi O'FAga borib vaziyatga oydinlik kiritilganidan so'ng saytimizga intervyu berishini malum qildi.