"Fulxem" braziliyalik yarim himoyachini safiga qo'shib olmoqchi

Angliyaning "Fulxem" klubi Braziliyaning "Fluminense" jamoasi yarim himoyachisi Andreni sotib olishga urinib ko'radi, deb xabar berdi jurnalist Mayk Makgrat.

Agar Joau Palinya yanvarda klubni tark etsa, 22 yoshli Andre "dachaliklar"ning asosiy transfer maqsadiga aylanishi mumkin. Braziliyalik futbolchining agentlari uning Premer-ligaga o'tishini muhokama qilish uchun shu hafta Angliyaga kelishadi.

Oldinroq Andrega Angliyaning "Liverpul", "Manchester Yunayted" va "Tottenxem" klublaridan qiziqish borligi haqida xabarlar tarqalgandi. Andre joriy mavsum "Fluminense" safida 60 ta o'yin o'tkazib, 1 ta gol urgan.