"Frayburg" Xyofler bilan shartnomani uzaytirdi

Xyoflerning shartnomasi shu yil oxirida yakunlanar edi. Ammo jamoa rahbariyati ajoib o'yin ko'rsatayotgan futbolchini tarkibda olib qolishni maqul ko'rdi va unga yangi shartnoma taklif qilindi.

Nikolas Xyofler mavsumni ajoib tarzda o'tkazmoqda. U bundesliga doirasidagi o'n bir uchrashuvda maydonnga chiqdi va ikki bor to'p kiritishga muvaffaq bo'ldi.

- Xyofler so'nggi ikki yilda ham futbolchi, ham inson sifatida katta o'sishga erishdi, Mana endi uning jamoamizga juda foydasi tegmoqda. SHu bois shartnomaning uzaytirilganidan juda ham xursandmiz, - deya fikr bildirdi jamoa sport direktori Yo'xen Zayer.

Aytib o'tish lozimki, Xyofler "Frayburg"ga 2005 yilda kelib qo'shilgandi. U bir necha yil davomida "Frayburg"ning turli yosh toifasidagi jamoalarida to'p surdi. 2011 yilda esa ikkinchi bundesligada faoliyat ko'rsatadigan Ercgebirger Aue jamosiga ijaraga berildi va u erda ikki mavsumni o'tkazdi. Xyofler Ercgebirger Aue safida ancha o'sishga erishganini takidlash lozim. Bu jamoa tarkibida ikki mavsum davomida 40 ta uchrashuvda ishtirok etgan Nikolas Xyofler Ercgebirger Aue ning etakchilaridan biriga aylangandi. SHu sababdan ham "Frayburg" mavsum boshida uni jamoaga qaytarib oldi.