FOTO. "Lokomotiv"ning bugungi mashg'uloti
10 apr 2015 17:18
Yangiliklar

FOTO. "Lokomotiv"ning bugungi mashg'uloti

Toshkent, 10 aprel - Oliy ligada chempionlik uchun kurashayotgan "Lokomotiv" uchun har bir o'yin muhim hisoblanadi.

Jamoa navbatdagi turni o'z maydonida "Bunyodkor"ga qarshi o'tkazadi. 13 aprel kuni bo'lib o'tadigan bellashuvga qiziqish yuqori.

G'alaba ilinjida turgan "temiryo'lchilar" "Al Sadd" bilan o'yindan keyin bir kun dam olishdi va bugundan yana mashg'ulotlar boshlandi. Asosiy tarkib azolari bugun "Lokomotiv" stadionida mashg'ulot olib borishdi. Mashg'ulotni klub bosh murabbiyi Vadim Abramov o'tkazdi. Unga murabbiylar shtabidan Marat Miftaxutdinov, Andrey Miklyaev, Mirko Yelechich, Pyotr Gizimchuk yordam berishdi.

Jamoa shifokori Oybek Umarovning aytishicha, hamma sog' va hech kimni jarohat bezovta qilayotgani yo'q. Nasib qilsa, "Bunyodkor" bilan o'yinga barcha bir xil tayyor bo'ladi va kelasi haftaning dushanba kuni nihoyatda qiziqarli bahs guvohi bo'lsak ajab emas. Quyida bugungi mashg'ulotdan fotosuratlarni tomosha qilishingiz mumkin.

Oliy liga. 4-tur
13 aprel. "Lokomotiv" stadioni. 16:00

Lokomotiv (Toshkent) – Bunyodkor (Toshkent)
Hakamlar: R. Ermatov, A. Rasulov, J. Saidov, D. Karimov.
Nazoratchi: B.Galeev.