Florentino Peres: "Modrichni sotib olish mumkin, faqat 750 mln evroga"

Jamoa rahbariyati ham, futbolchi va uning vakillari ham 32 yoshli yarim himoyachi Madridni tark etishi borasidagi gap-so'zlarni rad etishdi.

"Real" xorvatiyalik transferi borasidagi takliflarni ko'rib ham chiqmaydi. Eslatib o'tamiz, avvalroq futbolchi xizmatlariga Milanning "Inter" klubi jiddiy qiziqayotgani xabar qilingandi.

"Modrichni sotib olishning yagona yo'li – shartnomada belgilangan 750 million evroni to'lash", – qayd etadi Peres.

Futbolchi ham Madridda barchasidan qanoatlanmoqda. Yaqin kunlarda u mashg'ulotlarga qaytadi va Evropa Superkubogi uchun "Atletiko"ga qarshi o'yinga tayyorgarlikni boshlaydi.