So’nggi yangiliklar

12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  6 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  13 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  7 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3

"Flitvud Taun"da qolishim mumkin emasdi. Sababi...". Rustam Nortojiev bilan intervyu Yangiliklar

"Flitvud Taun"da qolishim mumkin emasdi. Sababi...". Rustam Nortojiev bilan intervyu

Termizning "Surxon" klubi Superligada qolish uchun kurashni davom ettirmoqda.

Bahrom Haydarov shogirdlari o'tgan 20-turda Olmaliqda AGMKga mag'lubiyatga uchraganiga qaramasdan, yaxshi o'yin o'tkazdi, deya olamiz. Darvozabon Rustam Nortojiev shu kuni jamoasini bir necha bor muqarrar gollardan qutqarib qoldi. Saytimiz tomonidan darvozabon tur ramziy terma jamoasiga kiritildi. 

- 20-tur ramziy terma jamoasiga kiritilganingizga qanday fikr bildira olasiz? Bir nechta darvozabonlar orasidan aynan siz kirishingizni kutganmidingiz?

- To'g'risi buni ko'rib hayron qoldim. Men uchun kutilmagan bo'ldi, deya olaman. Odatda tur ramziy terma jamoasiga darvozasi daxlsizligini saqlab qolgan kiperlar kiradi. Etirof uchun rahmat. 

- AGMK bilan bahsda bunchalik ishonch va aniqlik bilan to'p tepishingizga nima turtki bo'ldi? Balki tayyorgarlik boshqacha kechgandir...

- Bilsangiz Superligada debyut mavsumimni o'tkazmoqdaman. Men uchun har bir o'yin yangi daraja, yangi maqsad va motivaciya hisoblanadi. O'yindan o'yinga harakatlarimni kuchaytirishga etibor bermoqdaman. AGMKga qarshi ettinchi o'yinimni o'tkazdim. Aytishim kerakki, juda qiyin uchrashuv o'tkazdim. Raqib ilk daqiqalardan kuchli bosim uyushtirdi va ko'plab hujumlar tashkil qildi. Oson bo'lgani yo'q. 

- "Surxon" ikkinchi davrada Superligada qolish uchun harakatni kuchaytirdi. Nima, deb o'ylaysiz bu kech emasmi? Bu boradagi imkoniyatlarni qanday chamalaysiz?

- To'g'ri harakat qattiq ketyapti. Biz uchun har bir o'yin final hisoblanadi. Har bir bahsga xuddi oxirgi o'yindagidek yondoshyapmiz. Uch yoki bir ochkomi barchasining qiymati o'ta yuqori. Qolgan 7ta turda maksimal ochkolarni jamg'arishimizga ishonaman. Oldimizda turgan asosiy maqsad Superligada qolish. 

- Joriy yilda "Lokomotiv"dan "Surxon"ga ko'chib o'tdingiz. Bundan ko'zlangan maqsad Superligada o'yin amaliyotiga ega bo'lish edimi?

- Ha, bu aniq. O'tgan mavsum yakunlangach "Lokomotiv" bilan shartnomam yakunlandi. Murabbiylar o'zgarishi amalga oshdi. Klub bosh direktori bilan gaplashdim. Ular "Bunyodkor"dan Abdumavlon Abdujalilovni olishayotganini aytdi. Tushunib etdimki, bunday pallada jamoada o'ynab ketish imkoniyatim nihoyatda kam. Men o'ynashni istagandim. "Surxon" bu borada menga imkoniyat berdi. Fursatdan foydalanib ikki klub rahbarlariga minnatdorchilik bildiraman. Boisi meni o'sishimda katta hissa qo'shishdi. 

- 2015 va 2017 yillarda Angliya quyi ligasi vakili "Flitvud Taun"da malaka oshirgansiz. Keling intervyudan foydalanib o'sha vaqtlarni biroz yodga olsak. Bu klubga borish qanday yuz bergan? Mashg'ulotlar va kundalik hayotda qanday farqni sezgandingiz?

- Angliya klubida ikki bor malaka oshirish nasib qilgan. U erda ko'p narsalarni o'zlashtirdim. Angliyadagi sharoitlarni bevosita guvohiga aylandim. Masalan "Flitvud Taun" 7ta ideal ko'rinishdagi maydonga ega. Kiyinish xonalari, fitnes zallari, baza umuman barchasi futbolchining rivojlanishiga qaratilgan. Akademiyasida 8 yoshdan 21 yoshgacha bo'lgan jamoalar faoliyat yuritadi. Ishonsangiz futboldan boshqa narsani o'ylamaysiz. Bazaga 9:00da kelasiz, 15:00gacha shu erda bo'lasiz. Kuniga 3 yoki 1 mahal mashg'ulotlar olib boriladi. Barchasi haftalik rejadan o'rin olgan. 

- "Flitvud Taun"da qolish imkoniyati yuzaga kelganmi? Nima uchun amalga oshmaganini ayta olasizmi?

- U erda qolish mumkin emas edi. 2017 yil klub direktori bilan suhbatlashganman. Ular aytishdiki, "Flitvud Taun" bilan shartnoma imzolashim uchun O'zbekiston FIFA reytingida top 50ta jamoalar orasida bo'lishi kerak ekan. Jamoada legionerlar bilan qattiq limit o'rnatilgandi.  

- Superligada sizga qarshi o'ynagan eng noqulay hujumchi kim?

- Hozirgacha "Bunyodkor"dagi Ibrohim Tomivani ko'rsatishim mumkin. Ushbu futbolchi debyut o'yinimda darvozamni ikki bor ishg'ol qilgandi.

Abdulaziz Iskandarov suhbatlashdi

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика