“Fisht” stadioni haqida nimalarni bilishimiz kerak?

•    “Fisht” stadionida JCH-2018ning 6ta o'yini bo'lib o'tadi
•    Arena 2014 yilda bo'lib o'tgan qishki Olimpiada munosabati bilan barpo etilgan.
•    Ushbu stadion Fisht tog'i nomiga atab qo'yilgan

O'yinlar
Aynan shu stadionda JCH-2018 guruh bosqichining eng kutilgan o'yinlaridan biri — Portugaliya va Ispaniya o'rtasidagi uchrashuv bo'lib o'tadi. Bundan tashqari, guruh bosqichining yana 3ta o'yini, 1/8 final va chorak final uchrashuvlari bo'lib o'tadi.

Imkoniyatlari
CHempionat vaqtida “Fisht” stadioniga 48 000 tomoshabin tashrif buyurishi mumkin bo'ladi.

Joylashgan o'rni
Stadion Qora dengiz qirg'og'i bo'yida, 2014 yilgi qishki Olimpiada o'yinlari o'tkazilishi uchun maxsus qurilgan. Atrofida o'sha musobaqa uchun qurilgan inshootlar va “Formula-1” trassasi mavjud.

Bilasizmi?
Stadion aytib o'tganimizdek, asosiy Kavkaz tizmasida joylashgan tog' nomiga qo'yilgan. Adigey tilidan tarjima qilinganda “fisht” so'zi “oq bosh” degan manoni anglatadi. Arena britaniyalik arxitektorlar tomonidan loyihalashtirilgan.

Dastlabki o'yinlar
“Fisht” stadionidagi ilk o'yin 2017 yil bo'lib o'tgan. 28 mart kuni ushbu arenada Rossiya va Belgiya terma jamoalari o'rtasidagi o'rtoqlik uchrashuvi, 2 mayda esa “Ural” va “Lokomativ” jamoalari o'rtasidagi Rossiya Kubogi bahsi bo'lib o'tdi. Yozda esa FIFA Konfederaciya Kubogi o'tkazilgandi.

Meros
Jahon CHempionatidan keyin Rossiya terma jamoasi Sochida rasmiy o'yinlarining bir qismi va o'rtoqlik o'yinlarini o'tkazishi rejalashtirilmoqda. Bundan tashqari, arenada boshqa ommaviy tadbirlar o'tkazilishi ham rejalashtirilmoqda.

Nozima Zaripova tarjima qildi