FIFA.UZ: CHempionlar ligasi to'pi g'olibga topshirildi

ECHL 2013/2014 1/8 finaliga tashlanadigan quradan oldin eng ko'p juftlikni topgan ishtirokchiga CHempionlar ligasi to'pi sovg'a qilinishi lozim edi. Bo'lib o'tgan tanlovda "Man City" nikli ishtirokchimiz g'olib bo'lgani haqida xabar bergandik.

5ta juftlikni aniq topgan muxlisimiz Farg'ona viloyati Quva tumanida istiqomat qiluvchi Elyor Yunusov ekan. G'olib Toshkentga kela olmasligi aytgach uning vakili sovg'ani olib ketish uchun tashrif buyurdi.

Sovg'ani Elyorning vakili Javohirga topshirganimizdan so'ng g'olibning o'zi bilan telefon orqali kichik intervyu tashkil qildik.  

"Championat.asia saytiga anchadan buyon kirib turaman. Ish joyimizda ikki do'stimiz bilan futbolga juda qiziqamiz. Aynan ular bilan yangiliklarni tezkor bilib borish uchun saytlarga kirib turamiz. Akciya haqida eshitgach uchalamiz o'z taxminlarimizni yozdik. SHaxsan men "Manchester Siti" - "Barselona" va "CHelsi" - "Galatasaroy" juftliklari tushishiga juda ishongandim. 5ta taxmin topishga erishganim bu omaddan. O'zim "Siti" muxlisiman. SHu bois "Barselona"ni ikki o'yin natijasiga ko'ra mag'lub etishimizga ishonaman", - deydi Elyor Yunusov.


SHuningdek, FIFA.UZ sayti tomonidan o'tkazilgan boshqa akciyada FIFA 2014 disklari o'ynalgandi. Unda 5 nafar g'olib aniqlangandi.

Ulardan ikki nafari inter981 (Italiya chempionati) va  novichok-fransya (Franciya chempionati) jamoasini tuzgan g'oliblarimiz o'z sovg'alarini olib ketishdi. Qolgan uchta disk esa o'z egalarini kutmoqda. Murojaat uchun elektron manzil: asia@championat.asia

Uchta qolgan g'oliblarning jamoalari:
gazmyasochka (Rossiya chempionati).
ARSENAL UZB (Angliya chempionati).
surxon2015 (Germaniya chempionati).


Keyingi tanlov va akciyalarimizda ham faol ishtirok eting.