Fevzi Davletov: "Hujumda muammolarga duch keldik"

"Birinchi bo'limda tashkil qilgan hujumlarimizga tezlik etishmadi. Biz juda sekin harakatlandik. Raqib barcha zonalarni yopishga ulgurdi. Realizaciya yaxshi emas edi. Zarba beradigan vaziyatda pas beryapmiz va teskarisi. Hujumda biroz muammolarga duch keldik. Haydarov ham terma jamoaga jo'nab ketgan. Muhammadali ham qizil kartochka oldi. Bularning barchasi bizga pand berdi" - deya fikr bildirdi Fevzi Davletov bugungi uchrashuv haqida.

- Hujumchilar haqida gapirib o'tsangiz? Haydarov jamoaga qaytishi yoki qishda jamoa yangi hujumchini sotib olishi mumkinmi?

- Albatta, bu masala bo'yicha ish olib boramiz. Qishda kimdirni sotib olamiz. Uchta hujumchimiz bo'lsa yaxshi bo'lardi. Ikkinchi bo'limda hujumchilarga tezlik qo'shdik, futbolchilarga ham qo'shimcha ko'rsatma berdim. To'p raqib jarima maydonchasiga ham ko'p marotaba etib bordi, ammo realizaciya yaxshi darajada emas edi.

- 2010 yilgi ECHL mavsumida "Barselona" bosh murabbiyi "Inter"ga qarshi uchrashuvda qiziq bir taktik yurish qilgandi, aniqrog'i markaziy himoyachi Jerar Pikeni hujumchi sifatida o'ynatgandi. Bugun siz ham shunday yurish qildingiz...

- Ha, shunday o'ynab ko'rish rejamiz bor edi. Bir hafta davomida uni hujumchi sifatida o'ynatib keldik. Uning bo'yi baland va havodagi to'plarga kurashishda ustunlikka ega, ammo bugun rejamiz ish bermadi.