Fernandesh: "Ronalduning hayotiga ham, qarorlariga ham aralashmoqchi emasman"

"Ronaldu murabbiyga, klubga nimalar deganini ham, uning miyasida qanday hayollar borligini ham, ketishni istaydimi yoki yo'q, hech nimani bilmayman. Bu haqda undan so'ramadim.

Krishtianu o'tgan mavsum bizning to'purar bo'ldi, bizga ko'plab gollar urib berdi. Biroq uning holatga qanday qarayotganini bilmayman. Qarorni klub va Ronaldu qabul qiladi.

Ronalduning oilasida muammolar borligini barcha bilib turibdi. Uning shaxsiy hayotiga hurmat bilan qarash, bu borada bezovta qilmaslik kerak. Mashg'ulotlarga kelmay qolganida undan oilasi haqida so'ragandim. U menga holatni tushuntirib bergan.

Ronalduning hayotiga ham, qarorlariga ham aralashmoqchi emasman. Barchaning qarorini hurmat qilaman", - dedi Fernandesh.