"Fayzullaevga yana bir mavsum CSKAda o'ynashni maslahat bergan bo'lardim"

2024 yilning qishida 20 yoshli o'zbekistonlik futbolchiga ko'plab jamoalardan qiziqish bo'lgani haqida malumotlar paydo bo'lgandi.

"Abbos nafaqat Osiyo Kubogida, balki CSKAda ham yaxshi o'ynadi. U sifatli, texnikasi zo'r futbolchi va intellekti yuqori. Umuman olganda, ko'plab fazilatlar mavjud. CSKA hamma ham o'ynab ketolmaydi, ayniqsa, darhol. Moslashish uchun vaqt kerak. Fayzullaev esa darhol o'zini ko'rsatishga muvaffaq bo'ldi.

Ko'ramiz, u bundan keyin qanday ishlaydi. Hozir evrokuboklar yo'qligi achinarli. Agar ular bo'lganida Fayzullaev o'zini yanada yaqqol ko'rsatgan bo'lardi. Biroq hozir ham uni kuzatishadi, chunki u Osiyo Kubogida yaxshi o'ynadi. O'zbekiston finalga chiqa olmagan bo'lsa-da, u baribir ajralib turdi va gol urdi. Menimcha, u hali tajriba uchun CSKAda qolishi va keyingi mavsumda ham shu erda o'ynashi kerak", – dedi Tarxanov.

Fayzullaev 2023 yilning avgustida "Paxtakor"dan CSKAga o'tgandi. Futbolchi armiyachilar safida 18 ta uchrashuvda 2 ta gol urdi va 9 ta golli pas uzatdi.