Farg'onada yangi stadion foydalanishga topshirildi

"Mamlakatimizda sportni, xususan, bolalar sportini rivojlantirishga qaratilayotgan alohida etibor yoshlarimizning xalqaro miqyosda ulkan yutuqlarni qo'lga kiritishida asosiy omil bo'lib xizmat qilmoqda. Ayniqsa, futbolning moddiy-texnik bazasini yanada mustahkamlash, xalqaro miqyosda Vatanimiz sharafini munosib himoya qilishga qodir futbolchilar, murabbiylar va hakamlar tayyorlash borasida ko'rilayotgan chora-tadbirlar o'zbek futbolining jahonga chiqishida katta ahamiyat kasb etmoqda.

Ushbu yo'nalishdagi ishlarning izchil davomi sifatida yangidan bunyod etilgan 20 ming o'rinli stadion o'zining noyob memoriy-muhandislik echimi, betakror dizayni bilan shahar ko'rkiga ko'rk qo'shmoqda", deyildi xabarda.

Malum qilinishicha, "Istiqlol" stadioni xalqaro talablarga javob beradi va unga zamonaviy yoritish tizimi o'rnatilgan.

Tomoshabinlar joyi, maydon holati havas qilgulik darajada. Maydonga Gollandiyadan keltirilgan maxsus maysa urug'i sepildi, natijada maydon to'rt faslga ham chidamli, yil davomida ko'm-ko'k yashnab turadigan maysalar bilan qoplangan.

SHu bilan bir qatorda OAV hodimlari uchun ham qulay sharoitlar yaratilgan.

Xabarda aytilishicha, video tablo, zamonaviy audiosistema moslamalari va boshqa axborot-kommunikaciya texnologiyalari bilan jihozlangan sharhlovchilar xonasi o'yin paytida muxlislarni zarur malumotlar bilan tezkor ravishda xabardor etish, musobaqalarni to'g'ridan-to'g'ri efirga uzatish, tele va radio translyaciya sifatini taminlashga xizmat qiladi.

foto: uza.uz