Farg'onada “Vodiy ochiq chempionati” musobaqasi bo'lib o'tdi
08 noy 2018 22:28
Yangiliklar

Farg'onada “Vodiy ochiq chempionati” musobaqasi bo'lib o'tdi

Teglar : Farg'ona Vodiy ochiq chempionati

Farg'onada 2004-2007 yilda tug'ilgan futbolchilar o'rtasida musobaqa o'tkazildi.

Farg'ona shahrida 2018 yil “Faol tadbirkorlik, innovacion g'oyalar va texnologiyalarni qo'llab quvvatlash yili”ga bag'ishlab hamda kuzgi tatilda yoshlar bo'sh vaqtini mazmunli o'tkazish maqsadida sportning futbol turi bo'yicha 2004-2007 yillarda tug'ilgan o'smirlar o'rtasida “Vodiy ochiq chempionati” musobaqasi tashkil etildi. Mazkur musobaqada BO'SMlarning 2004-2007 yillarda tug'ilgan futbolchilaridan iborat jamoalari ishtirok etdilar.

Futbol uchrashuvlari Xalqaro Futbol Associaciyasi (FIFA) tomonidan tasdiqlangan futbol o'yini qoidalari asosida tashkil etildi. Mazkur musobaqa Farg'ona viloyati futbol associaciyasi tomonidan tayinlangan hakamlar boshqarib bordilar.

Futbol uchrashuvlari 4-9 noyabr kunlari Farg'ona shahar 1-BO'SM maydonida o'tkazildi. Futbol uchrashuvlarining har bir taymi 2004 yilda tug'ilgan bolalarga 30 daqiqadan 60 daqiqa, 2007 yilda tug'ilgan bolalarga 20 daqiqadan 40 daqiqa, tanaffus 10 daqiqa davomida tashkil etildi.

Musobaqada “Neftchi” farm klubi, “Yoshlik”, “Ipakchi”, Ho'jamag'iz, Uchko'prik, Toshloq, Avval, “Cementchi”, Rishton, CHimyon, “Farg'ona akademiya” kabi jamolar ishtirok etishdi. Musobaqaning yakuniy final uchrashuvida “Neftchi” hamda Beshariq tumanining “Paxtakor” jamoalari kuch sinashdilar. Uchrashuvning asosiy daqiqalari durang natija bilan yakunlangach, reglamentga ko'ra penaltilar seriyasiga murojaat qilindi. Penaltilar seriyasida Oybek Abdullaev murabbiyligidagi “Neftchi” jamoasi 5:4 hisobida g'alaba qozonib, musobaqa g'olibligini qo'lga kiritdi.

Mazkur futbol musobaqasida 1-o'rin “Neftchi”, 2-o'rin Beshariq tumanining “Paxtakor” jamoalariga nasib etgan bo'lsa, barcha uchrashuvlarda ajoyib o'yin namoyish etib, yaxshi taasurot qoldirgan Farg'ona shahrining “Yoshlik” jamoasiga 3-o'rin nasib etdi. Musobaqa yakunida taqdirlash marosimi o'tkazildi va g'olib va sovrindorlarga I, II, III darajali diplom, medal, kubok va qimmatbaho sovg'alar topshirildi.