Farg'onada huquqni muhofaza qilish organlari xodimlari o'rtasida futbol musobaqasi o'tkazildi

Jami 8 jamoa qatnashgan mazkur musobaqada ishtirokchilar katta taasurotlarga ega bo'ldilar.

Musobaqa haqida ishtirokchilarning fikrlari bilan qiziqdik.

"Bugun muhtaram Prezidentimiz tomonidan ilgari surilgan "Besh tashabbus" loyihasi doirasida Farg'ona viloyatida huquqni muhofaza qilish organlari va harbiy qismlar o'rtasida sportning futbol turi bo'yicha musobaqa tashkil etilmoqda" - deydi musobaqa ishtirokchisi Bekzod Olimov. Mazkur musobaqada biz Farg'ona viloyati bojxona Boshqarmasi nomidan ishtirok etmoqdamiz. Hozirgina birinchi tur uchrashuvlari yakuniga etdi. Bu kabi musobaqalar huquqni muhofaza qilish organlari xodimlari sog'lom turmush tarziga amal qilishlariga, ularni sog'lomlashtirishga xizmat qiladi".

Bekzod Yakubov, musobaqa hakami: "Bugun sportning futbol turi bo'yicha Farg'ona viloyati futbol Associaciyasi va boshqa mutasaddi tashkilotlar xamkorligida huquqni muhofaza qilish organlari xodimlari o'rtasida musobaqa tashkil etilmoqda. Bu kabi musobaqalar futbolning ommaviyligini oshirish, shuningdek sog'lom turmush tarzini yuksaltirishga xizmat qiladi. Ishtirokchi jamolarning imkoniyatlari teng, musobaqa ko'tarinki kayfiyatda tashkil etilmoqda".

Bekzod Tolibov tayyorladi