Evropa ligasi. "Manchester Yunayted" finalda

Angliyaning "Manchester Yunayted" jamoasi bugun o'z maydonida Ispaniyaning "Selta" klubini qabul qildi. Garchi uchrashuv 1:1 hisobida yakunlangan bo'lsa ham, ikki o'yin natijasiga ko'ra Joze Mourino shogirdlari Evropa ligasi finaliga yo'l oldilar.

Evropa ligasi
1/2 final, javob uchrashuvi
"Old Trafford", 12.05.2017

"Manchester Yunayted" - "Selta" 1:1 (Umumiy hisob 2:1)
Gol: M.Fellayni 17 - F.Ronkalya 85

"Manchester Yunayted": Serxio Romero, Antonio Valensiya, Erik Bayi, Matteo Darmian, Deyli Blind, Pol Pogba, Maruan Fellayni, Jessi Lingard (Ueyn Runi 89), Ander Errera, Genrix Mxitaryan (Maykl Kerrik 77), Markus Reshford (Kris Smolling 90).

"Selta": Serxio Alvares, Gustavo Kabral, Kastro, Ugo Malo, Fakundo Ronkalya, Daniel Vass (Xosabed 46), Nemanya Radoya (Teo Bongonda 68), Pablo Ernandes, Pione Sisto (Klaudio Bovyu 80), Yago Aspas, Yon Gvidetti.

Ogohlantirishlar: D.Blind 32, A.Errera 81 - YA.Aspas 66

CHetlatishlar: E.Bayi 88 - F.Ronkalya 88

Birinchi o'yin – 1:0

4 - Zarbaaa, Yago Aspasning o'ng tomondan chap oyoqda bergan aylanma zarbasini Serxio Romero qaytarib yubordi.

11 - Pol Pogbadan chiroyli yurish va Reshford so'nggi zarbaga biroz ulgurmay qoldi.

17 - Goooooooooollllllllll, Fellayniiii. O'tgan o'yindagi yagona gol sohibi Reshfordning chap qanotdan uzatgan mukammal to'p oshirishidan keyin "mikrafon" boshi bilan hisobni ochdi.

20 - Mxitaryanning chap oyoqda bergan zarbasi Lion shahrida kechayotgan narigi stadionga borib tushdiyov... )

23 - Reshfordning raqib jarima maydonchasiga oshirgan navbatdagi to'pini labbay deb javob beradigan o'yinchi topilmadi.

Ispaniyalik muxlislar "Old Trafford"da

27 - Pablo Ernandesning zarbasini Romero urib yubordi

Fellayni gol urgan vaziyat

32 - Pablo Ernandesga nisbatan qo'pol o'ynagani bois Deyli Blind birinchi bo'lib sariq kartochka bilan siylandi.

40 - Pione Sistoning to'qqizlikka yo'llagan aniq zarbasini Romero ushlab oldi.

42 - Sistoning pasidan keyin jarima maydonchasi ichida Vass boshi bilan zarba berdi, noaniq.

"Old Trafford" o'yin boshlanishidan oldin, fantastik atmosfera

Fellaynining golini tomosha qiling.

49 - Zarbaaa, Mxitaryanning to'xtatmasdan yo'llagan juda kuchli va aniq zarbasini Serxio Alvares qiyinchilik bilan qaytarib qoldi.

Yangi to'p, pliz! SHunaqasi ham bo'lib turadi )

64 - Reshfordning yaqin masofadan bergan zarbasini Alvares qaytardi.

"Qizil iblislar"ning "qizil" muxlislari

69 - Fellaynining yaqin pastki burchakka tepgan to'pini darvozabon qaytarib qoldi.

71 - Xosabedning uzoqdan yo'llagan zarbasiga aniqlik etishmadi.

76 - Gvidettining bosh bilan bergan zarbasi ancha noaniq ketdi.

Markus Reshfordni to'xtatib qolishning yo'li

85 - Gooooooooolllllll, Fakundo Ronkalyayayayaya, 1:1.

88 - Maydonda sportga hos bo'lmagan holat. Natijada MYUdan Erik Bayi "Selta"dan esa hozirgina gol urgan Fakundo Ronkalya maydondan chetlatildi.

Uchrashuvga yakun yasaldi, "Manchester Yunayted" finalda. "Selta" futbolchilari maydonda ko'z yosh to'kishmoqda, bugun ular nomdor raqibga qarshi juda ham munosib o'yin namoyish etishdi.