Evropa ligasi. Bugungi o'yinlar anonsi

Markaziy uchrashuv so'zsiz Myonxengladbaxda kechadi. "Borussiya Myonxengladbax" o'z uyida Italiyaning kuchli jamoalaridan biri sanalgan "Fiorentina"ni qabul qiladi. Bu ikkala jamoaning milliy chempionatdagi ishlari yurishmayapti. "Borussiya" bundesligada 10-o'rinda borayotgan bo'lsa, "Fiorentina" A Seriyada 8-pog'onani egallab turibdi. "Borussiya M" Diter Xekking kelganidan keyin natijalar borasida o'sishga erishdi va turnir jadvalining quyi qismidan qochishga muvaffaq bo'ldi. "Fiorentina" ham barqaror o'yin ko'rsata olmayapti. SHu boisdan ham bu ikki jamoa o'z omadini Evropa ligasida qidirishi va ushbu musobaqada muvaffaqiyat qozonib, muxlislar oldidagi o'z aybini shu orqali yuvishga harakat qilishi mumkin.

"Borussiya M"ning eng xavfli futbolchisi - Torgan Azar

Evropa ligasidagi yana bir etiborga molik uchrashuv "Old Trafford"da bo'lib o'tadi. Joze Mourinyu boshchiligidagi "Manchester Yunayted" jamoasi "Sent-Eten"ni imtihondan o'tkazadi.

Mauricio Pochettinoning "Totenxemi" Belgiyaga safar uyushtiradi. "SHporlar" "Gent" qarshiligini engishga urinib ko'rishadi.

Ispaniyada "Viyarreal" "Roma" bilan to'qnashadi. Bu o'yin ham ko'pchilik muxlislarning etiborida bo'lishi shubhasiz.

Evropa ligasi 1/16 final bosqichidagi ilk o'yin Krasnodarda boshlanadi. Odil Ahmedovning sobiq jamoasi o'z uyida "Fenerbahche" bilan kuch sinashadi.

Evropa ligasi.

1/16 final.

Dastlabki uchrashuvlar.

"Krasnodar" (Rossiya) - "Fenerbahche" (Turkiya) (21:00)

"Rostov" (Rossiya) - "Sparta" (CHexiya) (23:00)

"Olimpiakos" (Greciya) - "Osmanlispor" (Turkiya) (23:00)

"Ludogorec" (Bolgariya) - "Kopengagen" (Daniya) (23:00)

"Gent" (Belgiya) - "Tottenxem" (Angliya) (23:00)

"Astra" (Ruminiya) - "Genk" (Belgiya) (23:00)

"AZ Alkmaar" (Gollandiya) - "Lion" (Franciya) (23:00)

"Borussiya M" (Germaniya) - "Fiorentina" (Italiya) (23:00)

"Selta" (Ispaniya) - "SHaxtyor" (Ukraina) (23:00)

"Vilyarreal" (Ispaniya) - "Roma" (Italiya) (01:05)

PAOK (Greciya) - "SHalke" (Germaniya) (01:05)

"Manchester Yunayted" (Angliya) - "Sent-Eten" (Franciya) (01:05)

"Legiya" (Polsha) - "Ayaks" (Gollandiya) (01:05)

"Xapoel Beer SHeva" (Isroil) - "Beshiktosh" (Turkiya) (01:05)

"Atletik" (Ispaniya) - APOEL (Kipr) (01:05)

"Anderlext" (Belgiya) - "Zenit" (Rossiya) (01:05)