EVRO-2016. Uels - SHimoliy Irlandiya uchrashuviga prevyu

FIFA reytingida 25-o'rinda borayotgan SHimoliy Irlandiya 26-o'rindagi Uels bilan o'ynaydi.

Bu ikki jamoa o'zaro 95ta o'yin o'tkazgan. SHulardan 44tasida Uels g'olib bo'lgan, 27tasida SHimoliy Irlandiyaning qo'li baland kelgan.

Uels oxirgi 8 uchrashuvda bu raqibga yutqazmagan. So'nggi bor shimolliklar 1980 yilda Uelsni mag'lub etgan. Jamoalar shu yilning mart oyida Kardiffda o'rtoqlik uchrashuvi o'tkazib durang o'ynashgan - 1:1.

Garet Beyl jamoadoshlari guruhda Angliyani ortda qoldirib birinchi bo'ldi. SHimoliy Irlandiya uchinchi o'rin bilan nimchorak finalga chiqdi. Ikkala jamoa ham o'z tarixida ilk bor Evropa chempionati final bosqichida o'ynamoqda. Bu to'qnashuvda kim g'olib bo'lsa Vengriya - Belgiya juftligi g'olibiga qarshi o'ynaydi.

O'yinni angliyalik Martin Atkinson boshchiligidagi hakamlar boshqarishadi. Bu hakam Evro-2016 doirasidagi ikkita o'yinda faoliyat olib bordi. Germaniya - Ukraina, Vengriya - Portugaliya uchrashuvlarida jami 5 marta futbolchilarni ogohlantirdi.

Uels - SHimoliy Irlandiya o'yini bo'lib o'tadigan "Park De Prens" stadionida hozirgacha musobaqaning to'rtta uchrashuvi o'tkazildi. Bular: Turkiya - Xorvatiya (0:1), Ruminiya - SHveycariya (1:1), Portugaliya - Avstriya (0:0) va SHimoliy Irlandiya - Germaniya (0:1). Ko'rib turganingizdek 4ta o'yinda darvozalarga jami 4ta gol urildi. Bugun "Park de Prens"da Evro-2016ning oxirgi o'yini bo'lib o'tadi.

Evro-2016, 1/8 final.
UELS - SHIMOLIY IRLANDIYA 
25 iyun. Parij. "Park-de-Prens" stadioni. 21:00
Hakam - Martin Atkinson (Angliya).

TAXMINIY TARKIBLAR

Uels: Xennessi; Ganter, CHester, E. Uilyams, Devis, Teylor; Allen, Ledli; Remzi, Beyl; Robson-Kanu.
Sariq kartochkasi borlar: Vouks, Devis

SHimoliy Irlandiya: Makgovern; Xyuz, Makauli, Ketkart, D. Evans; Beyrd, Devis, Norvud, Uord, Dallas; Lafferti.
Sariq kartochkasi borlar: Ketkart, Dallas, D. Evans, Uord