102 daqiqa davom etgan "Everton" va "Tottenxem" jamoalari o'rtasidagi o'yin jangovar durang bilan yakunlandi
03 noy 2019 23:32
Yangiliklar

102 daqiqa davom etgan "Everton" va "Tottenxem" jamoalari o'rtasidagi o'yin jangovar durang bilan yakunlandi

Angliya Premer-ligasi 11-tur doirasidagi "Everton" va "Tottenxem" jamoalari o'rtasidagi o'yin yakunlandi.

"Everton" - "Tottenxem" 1:1

Gol: Jenk Tosun (90+7) - Deli Alli (63)

"Gudison Park"

"Everton": Pikford, Din, Mina, Xolgeyt, Sidibe, Delf, Ivobi, Uolkott, Devis, Risharlison, Andre Gomesh.

"Tottenxem": Gassaniga, Alderveyreld, Ore, Devis, Sanches, Eriksen, Alli, Lukas Moura, Sissoko, Son Xyon Min, Ndombele.

Everton

Cenk Tosun - 90'

Premier League . 11-tur

03/11/2019, 21:30

Tugadi

Tottenham Hotspur

Dele Alli - 63'

Stadion: Goodison Park, 39001 tomoshabin

Bosh hakam: Martin Atkinson

45'

90'

Match-senterda ochish

O'YIN YAKUNLANDI.

90+11. Eriksen o'z o'rnini Sessenonga bo'shatib berdi.

90+7. "Everton" hisobni tenglashtirdi. Gol muallifi turkiyalik futbolchi. U jarima maydonchasi ichida to'pni boshi bilan Gassaniga darvozasiga joylab qo'ydi.

90. Ikkinchi bo'limga hakam tomonidan 12 daqiqa qo'shib berildi.

88. Andre Gomeshning vaziyatidan so'ng hali ham o'ziga kela olmayotgan Serj Ore o'rniga Foyt tushirildi.

87. O'yin davom etmoqda. "Everton" hisobni tenglashtirishga harakat qilgan holda oldinga o'tmoqda.

84. Gomeshning o'rniga Gilfi Sigurdsson tushirildi.

83. Andre Gomeshni zanbilda maydondan olib chiqib ketishmoqda.

82. Ha, takroriy vaziyat ko'rsatildi. Andre Gomeshning oyog'i sinibdi.

81. Son raqibga qarshi ishlatgan qo'polligi uchun o'zini kechira olmayapti va yig'lagan holda maydonni tark etdi.

79. Son Xyon Minga qizil kartochka ko'rsatildi.

79. Yoqimsiz vaziyat. "Everton" futbolchisi maydonda hushsiz yotibdi.

77. Son Xyon Minga tibbiy yordam ko'rsatildi. Hammasi yaxshi, u o'yinni davom ettiradi.

72. "Tottenxem" safida o'zgarish: Lo CHelso Ndombeleni almashtirdi.

69. "Everton" safida o'zgarish: Jenk Tosun Teo Uolkottni almashtirdi.

65. Tangi Ndombele raqibga qarshi juda ham qo'pol o'ynadi. Hakam esa futbolchiga bu ishi uchun sariq kartochka ko'rsatdi.

63. GOOOOOOOOL!! Deli Alli jarima maydonchasi ichiga kirgan holda ikki futbolchini chalg'itib o'tib ketdi va to'pni Pikford darvozasiga joylab qo'ydi.

61. Xavfli vaziyat! Risharlisonning yaqin masofadan bergan zarbasini Gassaniga ajoyib tarzda bartaraf etdi.

58. "Tottenxem" ortda qolgan 1 soat davomida darvoza tomon aniq zarba bera olmadi, "Everton" esa faqatgina 1ta aniq zarba ijro etdi.

55. Xavfli vaziyat! "Tottenxem" golga yaqin kelgan edi. Jarima maydonchasi ichiga oshirib berilgan to'pga hech qaysi futbolchi ulgurmadi.

53. Bosh hakam vaziyatni VAR orqali qayta ko'rdi va bu vaziyatda penalti yo'q deb topildi.

51. "Everton" jarima maydonchasi ichida Son Xyon Min yiqildi va hakamdan penalti so'ramoqda.

50. Ikkinchi bo'limni "Everton" futbolchilari ko'tarinki kayfiyatda boshlashdi. Aynan ular ko'proq hujumlarga o'tishmoqda.

46. Ikkinchi bo'lim boshlandi.

TANAFFUS

46. Birinchi bo'limga hakam tomonidan 2 daqiqa qo'shib berildi.

43. Risharlison yana bir bor jarima maydonchasi ichida zarba berib ko'rdi. Ammo, uning zarbasi darvoza ustuni yuqorisidan o'tib ketdi.

38. To'pga egalik qilish bo'yicha ustunlik mehmonlar tarafida: 40%-60%

33. Risharlisonning jarima maydonchasi ichida bergan zarbasini Gassaniga osongina ushlab oldi.

31. Yana bir sariq kartochka. Kristian Eriksen "Everton"ning qarshi hujumini to'xtatib qolgani uchun "siylandi".

30. O'yindagi ilk sariq kartochka Teo Uolkottga Devisga qarshi ishlatgan qo'polligi uchun ko'rsatildi.

29. "Everton"dan ilk zarba! Andre Gomeshning jarima maydonchasi ichida boshi bilan bergan zarbasi umuman noaniq ketdi.

28. Ajoyib uzatmadan so'ng Son Xyon Min darvozabon bilan birga-bir vaziyatga chiqib ketishi mumkin edi, ammo Lyuka Din to'pga birinchi bo'lib ulgurdi.

26. Hozircha "shporlar" faolroq o'ynashmoqda. "Everton" esa ko'proq himoyaga urg'u bermoqda.

19. Son o'yindagi ilk zarbani jarima maydonchasi tashqarisidan berdi. Ammo, bu to'pga "Everton" futbolchilari to'g'anoq bo'lishdi.

13. Jamoalar o'ta ehtiyotkorlik bilan o'ynashmoqda. Hozircha Angliya Premer-ligasiga xos ochiq va hujumkor futbol ko'rmayapmiz.

9. Hozircha xavfli vaziyatlar sodir bo'lmayapti. Na "Everton", na "Tottenxem" hali zarba bermadi.

4. Uchrashuvning dastlabki daqiqalaridan har ikki jamoa ham ustunlikni qo'lga olishga harakat qilmoqda.

1. O'yin boshlandi!

- Assalomu alaykum "Championat.asia" kuzatuvchilari. Birozdan so'ng boshlanadigan Angliya Premer-ligasi 11-tur doirasidagi "Everton" va "Tottenxem" jamoalari o'rtasidagi o'yinni birgalikda kuzatib boramiz.