Eslab qoling - Saidumarxon Saidnurullaev

Bu yoshlar orasida Saidumarxon Saidnurullaev nomini yaxshilab eslab qolishni tavsiya qilaman.

2005 yil 13 aprel kuni Andijon viloyatida tug'ilgan futbolchi o'tgan mavsum oxirida Superligada "Turon" va "Bunyodkor" bilan o'yinlarda zaxiradan maydonga tushgan. U-21 Birinchiligida esa 21ta o'yinda 9ta gol urgan va "Paxtakor" to'purari bo'lgandi.

Ayni paytda Turkiyadagi yig'inda ishtirok etayotgan Saidumarxon Saidnurullaev Armanistonning "Pyunik" va Ukrainaning "Kolos" klublari bilan o'yinlarda ikkita gol urdi. Maksim SHackix 2024 yilgi mavsumda Saidnurullaevni juda katta ehtimol bilan asosiy tarkibda o'ynatadi. Bu futbolchi ko'proq hujumchi ortida harakat qiladi.

Futbolchining statistikasi
2022 yil, U-19 chempionati
13ta o'yin, 10ta gol

2022 yil, U-21 birinchiligi
10ta o'yin, 6ta gol

2023 yil, U-19 chempionati
1ta o'yin, 1ta gol

2023 yil, U-21 birinchiligi
21ta o'yin, 9ta gol

2023 yil, Superliga
2ta o'yin

Hozircha 18 yoshli yigitchada mashina yo'q. Lekin negadir klubdagilar uni "Mazda" deb chaqirishadi. Bunga uning qalin qoshlari sabab shekilli. Saidumarxonga faoliyatida omad tilaymiz va tez orada "Mazda" sotib olishni tilaymiz.