Ertaga "Mashal" taqdimot o'tkazadi

1-turni safarda Namanganning "Navbahor" klubiga qarshi o'tkazgani bois 2-tur oldidan klub muxlislarga yangi futbolchilarni tanishtiradi. 20 mart kuni "Andijon"ni qabul qiladigan "gazchilar" shu o'yin oldidan muxlislar bilan ham uchrashadi.
 
Yangi futbolchilar bilan taqdimot 18 mart kuni 11:00 da boshlanadi. Ushbu marosimga barcha OAVlari va muxlislar taklif etiladi.

Uchrashuvda OAV va muxlislar jamoamizga yangi kelib qo'shilgan futbolchilar bilan tanishish, rahbariyat va murabbiylar shtabi bila suhbatlashish, klubning qolgan azolariga o'z raqamlarini topshirish, mavsumdagi liboslarni ko'rib chiqish va boshqa bir necha qismlardan iborat dasturda ishtirok etadi.

Undan tashqari o'tgan mavsum yoshlar ligasi chempionligini qo'lga kiritgan "Mashal" yoshlariga o'z medallari taqdim etiladi.