Eron Osiyo Kubogidan chetda qolishi mumkin

Agar OFK shunday to'xtamga kelsa, unda BAAdagi Osiyo Kubogi-2019 musobaqasi Eron terma jamoasining ishtirokisiz o'tadi. Bunga sabab OFK Eron futboliga hukumat aralashgan deb hisoblayapti. OFK va FIFA qoidalariga ko'ra, hech bir joyda hukumat futbolga aralashishi kerak emas. OFK rasmiy sayti bugun Eron yuzasidan bayonot berdi. Bayonotda aytilishicha, hech bir joyda "uchinchi qo'l egalari"ning futbolga aralashuviga yo'l qo'yilmaydi.

Malumki, yaqinda Tehrondagi "Ozodi" stadionida Osiyo chempionlar ligasi final javob uchrashuvi o'tkazildi va bu o'yinni ko'rish uchun OFK prezidenti SHayx Salmon bin Ibrohim Al Xalifa bilan FIFA prezidenti Janni Infantino ham tashrif buyurdi. Eronda hukumatning futbolga aralashuvi haqidagi gaplar OCHL finalidan keyin chiqqani g'alati.