Ermatov hamda Kovalenko brigadasi OK-2015 bahslarini boshqaradi

Etiborlisi, unda bir emas, ikki nafar o'zbekistonlik hakamlar brigadasi OK-2015 final bosqichi o'yinlarini boshqarib borish uchun OFKdan taklif olgan. Unga ko'ra, Osiyo Kubogi bahslarida O'zbekistondan ikki nafar brigada - Ravshan Ermatov hamda Valentin Kovalenko boshchiligidagi hakamlar brigadasi ishlaydi.

Ravshan Ermatov o'z yordamchilari, Abduhamidillo Rasulov (O'zbekiston) hamda Bahodir Qo'chqorovlar (Qirg'iziston) bilan OK bahslarida hakamlik qilsa, Kovalenkoga qanotlarda FIFA laynsmenlari Jahongir Saidov (O'zbekiston) va Mamur Saidqosimovlar (O'zbekiston) yordam berishadi.

Takidlash joiz, O'zbekiston bir yo'la ikkita hakamlar brigadasi bilan Osiyo Kubogi bahslarida ishlaydigan OFKning yagona vakili hisoblanadi.

Qo'shimcha o'rnida, O'zbekistondan yana bir vakil - Farhod Abdullaev OK bahslarida nazoratchi hakam sifatida ishlaydi.

OK-2015 bahslarida ishlaydigan o'zbekistonlik hakamlar brigadasi va nazoratchilar ro'yxati.

Referi - Ravshan Ermatov.
Referi assistentlari - Abduhamidillo Rasulov (O'zbekiston), Bahodir Qo'chqorov (Qirg'iziston).

Referi - Valentin Kovalenko (O'zbekiston).
Referi assistentlari - Jahongir Saidov (O'zbekiston), Mamur Saidqosimov (O'zbekiston).

Nazoratchi hakam - Farhod Abdullaev (O'zbekiston).