Eriksenning agenti: "Kristian hazillashyapti"

"Biz kecha ertalab gaplashdik. U hazillashardi, kayfiyati yaxshi, hammasi joyida edi.

Barchamiz unga nima bo'lganini bilishni istaymiz, hatto uning o'zi ham buni angay olgani yo'q. SHifokorlar chuqur tekshiruvlar o'tkazadi, bu vaqt talab etadi.

Kristian juda baxtli, chunki u atrofda insonlarning qanchalik muhabbati borligini tushundi. Unga butun dunyodan xabarlar kelib tushdi. Unga nafaqat jamoadoshlaridan, balki muxlislardan kelgan xabarlar ham katta taassurot qoldirdi.

Eriksen taslim bo'lmaydi. U va uning oilasi barchaga minnatdorchilik bildiradi. Ha, dunyoning yarmi biz bilan edi — hamma xavotirlandi.

Hozir Kristian dam olishi kerak, uning xotini va ota-onasi u bilan birga. Futbolchi nazorat ostida, ehtimol seshanba kunigacha shifoxonada qoladi. U Belgiyaga qarshi o'yinda jamoadoshlarini qo'llab-quvvatlamoqchi", — deydi agent.