Erik ten Xag: "Doimo jamoamga ishonganman"

Jim Retkliffning "Manchester Yunayted"ga kelishi haqida

"Bu haqida hech nima deya olmayman. Bu ish bilan boshqalar shug'ullanadi. Biz esa buni kutishda davom etamiz. Bor etiborimni o'z ishimga qaratganman. Jamoa yaxshi o'yin ko'rsatishi va rivojlanishi kerak"

"Liverpul"ga qarshi o'yin, Brunu Fernandesh, Xarri Maguayr, Kazemiro, Kristian Eriksen va Lisandro Martinesning o'ynamasligi haqida

"Jamoamda mahorat bor, buni futbolchilar maydonda ko'rsatishlari kerak. Bu jamoa muhim uchrashuvlarda katta bosim ostida o'zini ko'rsatib, yaxshi o'yin ko'rsata olishini namoyish qilgan. Biz baland parvoz qilgandek, endi juda chuqurlikka quladik. Jamoa barqaror bo'lishi kerak.

Doimo jamoamga ishonganman. Istalgan o'yin oldidan g'alaba uchun harakat qilganman. SHu sababli bugungi bahsda ham g'alaba uchun o'ynaymiz. Nima uchun? CHunki bizning yo'limiz, principlarimiz, o'yin uslubimiz g'alabaga yo'l berishi mumkin", dedi ten Xag.

Bugun "Liverpul" va "Manchester Yunayted" jamoalari ishtirokidagi bahs 21:30da start oladi.