Engilmas "Nasaf", Gevorkyan va Arslanmirat haqida

Bu bahs Ro'ziqul Berdiev uchun klub boshqaruvida qita miqyosidagi 32-si bo'ladi. Uchrashuv Toshkent vaqti bilan 20:00'da start oladi.

Nasaf Qarshi

AFC Cup Final Stage . 1/8-tur 25/08/2021, 20:00 2 : 3 Tugadi

Ahal

45'

90'

Match-senterda ochish

Etiborli jihati, Qashqadaryo klubi 2018 yilning mart oyidan beri xalqaro maydonda mag'lubiyatga uchragani yo'q. So'nggi 5 o'yinning 4tasi "Nasaf" foydasiga hal bo'lgan, 1 ta durang ("Persepolis" bilan). 

Oxirgi mag'lubiyat bundan 3 yil avval Dohada qabul qilib olingan edi:

Osiyo chempionlar ligasi. C guruh, 4-tur

"As-Sadd" (Qatar) - "Nasaf" (O'zbekiston) 4:0

Gollar: 1:0 - 3 Xavi, 2:0 - 15 Abdulkarim Hasan, 3:0 - 43 Bag'dod Bunedja, 4:0 - 70 Jugurta Hamrun.

“As-Sadd”: 1.Saad Alshiyb, 2.Pedro Migel, 5.Hamrun Jugurta, 6.Xavi (10.Hasan Al Haydos, 60), 11.Bag'dod Bunedja, 12.Xamid Ismoil, 14.Abdulkarim Hasan, 16.Bualim Xoki, 20.Salim Ali Alxajri, 37.Axmad Suhail (3.Yosir Abubakr Iso, 80), 96.Akram Afif (8.Ali Asadalla, 74).

“Nasaf”: 35.Sanjar Quvvatov, 6.Azizjon G'aniev, 7.Odiljon Hamrobekov, 10.Bobir Abduxoliqov, 14.SHarof Muhitdinov, 22.Igor Golban, 27.Islom Rashidxonov (21.Jahongir Aliev, 66), 55.Slavko Lukich, 69.Dragan CHeran (20.Islom Kenjaboev, 21), 77.Jasur Hasanov (8.Sanjar Rashidov, 78), 92.Umarbek Eshmurodov.

Ogohlantirish: Jasur Hasanov 45.

Umid qilamizki, "ajdarlar"ning 5 o'yindan iborat mag'lubiyatsiz seriyasi bugun ham davom etadi.

"Nasaf" turkman klublaridan hech qachon gol o'tkazib yubormagan!

SHubhasiz, o'yin oldidan Berdiev jamoasi mutlaq favorit. Tarixga nazar solsak, "Nasaf" Turkmaniston klublariga umuman mag'lub engilmaganiga guvoh bo'lamiz (3 o'yin, 3 g'alaba).

01.09.2001. "Kopettog'" (Ashxobod) 0:1 "Nasaf" (Qarshi)

Gol: SHuhrat Toshpo'latov

07.09.2001.  "Nasaf" (Qarshi) 3:0 "Kopettog'" (Ashxobod) 

Gollar: Bahrom Haydarov, SH.Mamajonov, Zafar Xolmurodov

20.05.2021. "Nasaf" (Qarshi) 2:0 "Oltin Asr" (Ashxabod)

Gollar: SHohmalik Komilov. Husayin Norchaev

Yuqoridagi o'yinlarda qo'shnilarimiz vakillarining "Nasaf" darvozasini umuman ishg'ol qilolmaganini ham alohida takidlash kerak.

Eng qimmat futbolchilar

"Ahal" tarkibidagi o'yinchilar orasida transfer bahosi eng yuqori bo'lgani siz yaxshi tanigan Arslanmirat Amanov hisoblanadi. "Nasaf"da esa Abduvohid Nematov hamda Umarbek Eshmurodov.

Eng tajribali

"Nasaf" tarkibida xalqaro o'yinlarda eng ko'p ishtirok etgan futbolchi Bahrom Abdurahimov hisoblanadi. 32 yoshli yarim himoyachi hisobida OCHLda o'tkazilgan 12 o'yin bor.

Gevorkyan va Amanov borasida

Saytimiz kuzatuvchilari 2011-15 yillarda "Nasaf" sharafini himoya qilgan Gevorkyanning bugungi o'yinda ishtirok etish, etmasligiga qiziqishdi. Yo'q, Artur Qarshiga tashrif buyurmadi. U o'tgan mavsum yakunida futbolchilik faoliyatiga nuqta  qo'ygan edi. 

SHuningdek, oxirgi 6 yilni O'zbekiston chempionatida o'tkazgan Arslanmirat Amanov ham oilaviy sabablari tufayli Qarshiga etib kelmadi. Eslatib o'tamiz, u yaqinlarining sog'lig'i bilan muammo yuzaga kelgani uchun iyul oyining oxirida "So'g'diyona"ni tark etib, "Ahal" tarkibiga borib qo'shilgan edi.

"Ahal"dagi tanishlar

Bugun Ashxobodliklar tarkibida o'zbek futboli muxlislariga begona bo'lmagan bir qancha o'yinchilar maydonga tushishi mumkin. Bular:

Didar Durdiev ("Mashal")

Elman Tagaev ("Andijon", "Navbahor")

Abdi Bashimov ("Qizilqum")

Uchrashuvni saudiyalik hakamlar brigadasi boshqaradi

“Nasaf” (O'zbekiston) – “Ahal” (Turkmaniston)

Bosh hakam: Muhammad Xolid Al Hoish (Saudiya Arabistoni)

Qanot hakamlari: Abdulrahim Habib Alshammari (Saudiya Arabistoni), Yosir Abdulla Alsulton (Saudiya Arabistoni).

Zaxira hakami: Xolid Solih Alturais (Saudiya Arabistoni)

Nazoratchi: Hussain G'adanferi (Quvayt)

Tibbiy va infekciya nazorati oficeri: Farrux Avezov (Tojikiston)

Komissar: Davlatmand Islomov (Tojikiston).

Mahalliy koordinatorlar: Jahongir Rahmatullaev, Zoxirjon Akramxonov.

Eslatma! Bugun Qarshidagi “Markaziy” o'yingohga muxlislar kiritilmaydi.

Akmal SHorahmedov nega Superligani emas, "Neftchi"ni tanladi?