Eminov, Abduqodirov va bir qator futbolchilar "Qo'qon-1912" bilan shartnoma tuzdi

Poytaxtda mashg'ulotlar bilan birga sinov-nazorat uchrashuvlarini ham tashkil etgan jamoamiz, shundan kelib chiqib ayrim futbolchilar bilan kelishuvga erishdi. 

Unga ko'ra Qahramon Muhammadjonov (“Navbahor”), Xurshidbek Muxtorov, Quvondiq Ro'ziev (“Lokomotiv”), Sardor Eminov, Orif Mamajonov, (“So'g'diyona”), Damir Nizanov (“Orol”), SHoxruh Xolmatov, Izzat G'aniev, Nosir Otaqo'ziev (“Neftchi”) hamda Abdulatif Abduqodirov (“Andijon”) joriy mavsumni “Qo'qon-1912” tarkibida o'tkazadigan bo'ldi. 

Malum muddat jamoa ko'rigida bo'lgan Azamat Ahmedov, Ilhom Jumanov, Sarvar Xolmurodov, Sanjar Baratov, Ilhom Suyunov, Farrux SHotursunov, Akmal Tursunboev, Nodirxon Kamolov, Aziz Alijonov, Azizxon Ibragimov hamda Saydullo Rahmatov kabi futbolchilar klub lagerini tark etgan. Endilikda bu o'yinchilar o'zlariga boshqa jamoa topadi.

Bu bilan selekciya jarayoni to'xtab qolgani yo'q va chempionat startiga qadar yana jamoani kuchaytirishi mumkin bo'lgan o'yinchilar bilan muzokara o'tkazilmoqda. 

Endi rejaga ko'ra futbolchilar 28 yanvar kuni tushlikdan so'ng Qo'qonda yig'iladi va Farg'ona hokimi Kubogi turniriga tayyorgarlik ko'radi. Aytish lozimki, musobaqada jamoamiz ikki tarkib bilan ishtirok etadi.