So’nggi yangiliklar

15:44ПРО-Лига. Турнинг марказий учрашуви асосий таркиблари маълум  0 15:26Суперлига. 4-тур учрашувларини ўтказиб юборадиган футболчилар  0 15:10Маркус Рэшфорд Евро-2024га бора олмаслиги мумкин  0 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  3 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  15 08:50Про лига. Бугун турнинг марказий учрашуви бор  8

Eldor SHomurodovning 2019 yildagi statistikasi Yangiliklar

Eldor SHomurodovning 2019 yildagi statistikasi

Kecha, 8 dekabr kuni "Rostov" RPLning 19-turi doirasida "Spartak" mehmoni bo'ldi.

Moskvadagi bahsda rostovliklar "Spartak" darvozasini 4 marta ishg'ol qilishdi va o'yin 4:1 hisobida mehmonlarning g'alabasi bilan yakunlandi. "Rostov" to'rtta gol urganiga qaramasdan, ularning birortasi O'zbekiston terma jamoasi hujumchisi SHomurodov hisobiga yozilmadi, biroq hamyurtimiz 2ta golda ishtirok etdi (1ta assist) va o'z jamoasi uchun penalti ishlab berdi. Popov ushbu 11 metrlik jarima zarbasidan unumli foydalana olmadi. SHunday qilib, Eldor SHomurodov uchun futbol yili yakuniga etdi. "Rostov"ning RPLdagi keyingi uchrashuvi 2020 yilning 1 mart kuni bo'lib o'tadi.


SHomurodov 2019 yilda qanday natijalarga erishdi?

Eldor SHomurodov uchun 2019 yil BAAdagi Osiyo Kubogi bilan boshlandi. 9 yanvar, 2019 yil. Hujumchimiz Ummonga qarshi guruh bosqichining 1-tur uchrashuvida 83-daqiqada zaxiradan maydonga tushdi va 2 daqiqa o'tib o'z nomini tabloga yozdirib, O'zbekiston terma jamoasiga g'alabani olib berdi.

Navbatdagi uchrashuv Turkmanistonga qarshi bo'ldi. O'sha paytda MTJni boshqarayotgan Ektor Kuper SHomurodovni asosiy tarkibga kiritishga qaror qildi va adashmadi. Terma jamoamiz birinchi taymdayoq raqib darvozasini 4 marta ishg'ol qildi. Ularning 2tasida Eldor bosh rolni ijro etdi. Guruhdagi so'nggi o'yinimiz Osiyo grandi - Yaponiyaga qarshi o'tkazildi. Ushbu o'yinni ko'pchilik yaxshi eslasa kerak. SHomurodov yaponlarning ikki himoyachisini ko'rdim demay, o'ng oyog'ining tashqi qismi bilan darvozani ishg'ol qildi. Biroq jamoamiz hisobdagi ustunlikni ushlab qola bilmadi va Yaponiya Muto hamda SHiotani gollari evaziga g'alabaga erishdi.

TAS-IX emas



Guruhni 2-o'rin bilan yakunlagan terma jamoamiz 1/16 final bosqichida Avstraliya bilan to'qnash keldi. Eldor bu uchrashuvda ham raqib darvozasini ishg'ol qilishi mumkin edi, ammo Metyu Rayan so'nggi pallada hujumchimiz zarbasini qiyinchilik bilan qaytarib qoldi. Bahsning asosiy va qo'shimcha vaqtlarida gol kiritilmagach, penaltilar seriyasiga murojaat qilindi va Avstraliya 11 metrlik zarbalarda omadliroq chiqib, keyingi bosqichga yo'l oldi.

Eldor SHomurodov Osiyo chempionati-2019da
O'yin4
Gol4
Assist-
Maydonda o'tkazgan vaqti257 daqiqa


Mart oyida Rossiya Premer-ligasi bahslari boshlandi, ammo SHomurodov o'zini ko'rsata olmadi. Eldor o'sha bahor "Rostov" safida bor-yo'g'i 2ta gol ura oldi. Hujumchimiz o'sha paytlar ko'proq terma jamoada o'zini ko'rsatayotgan edi. O'zbekiston terma jamoasi mart oyining oxirlarida China Cup-2019 turnirida ishtirok etdi. Urugvay, Xitoy, Tailand va O'zbekiston ishtirok etgan musobaqaning dastlabki yarim finalida hamyurtlarimiz Janubiy Amerika vakiliga 0:3 hisobida mag'lub bo'lishdi. Uchinchi o'rin uchun kechgan uchrashuvda Eldorning yagona goli terma jamoamizga g'alabani taqdim etdi.

Yozgi tanaffusda o'z xatolari ustida ishlab, ajoyib formaga kirib olgan SHomurodov Rossiya Premer-ligasining ilk turidayoq gol urishga erishdi. "Orenburg"ga qarshi bahsda o'z hisobiga gol yozdirib qo'ygan Eldor "Spartak" bilan o'yinda raqib darvozasini ishg'ol qila olmagan bo'lsada, RPLning keyingi 3ta uchrashuvida 3 marta darvozabonlar dilini xira qildi.

"Rubin" va "Lokomotiv" kabi Rossiyaning nomdor klublariga gol ura olgan Eldor sentyabr oyida O'zbekiston terma jamoasi safida JCH-2022 uchrashuvlarini boshladi. Natijada xabaringiz bor: Falastindan uchralgan 0:2 hisobidagi mag'lubiyatdan so'ng Ektor Kuper MTJni tark etdi. Bu o'zgarishlar Eldorning o'yiniga tasir qilmadi va hujumchimiz gol urishda davom etdi. SHomurodov sentyabr oxiri va oktyabrning boshidagi 3ta bahsda ("Tambov", "Dinamo", CSKA) 3ta gol kiritdi. Keyin yana terma jamoa o'yinlari boshlandi. Forvard Vadim Abramov qo'l ostida ham muvaffaqiyatli o'yin ko'rsatib, Yaman darvozasini 1, Singapurnikini esa 2 marta ishg'ol qildi.

Oktyabr oyidagi terma jamoa bahslaridan so'ng SHomurodovning RPLdagi golsiz seriyasi boshlandi va u yil oxirigacha saqlanib qoldi. SHomurodov noyabrda yana terma jamoa bahslarida ishtirok etdi va Saudiya Arabistoni hamda Falastin darvozalarini ishg'ol qildi. Biroq bu mahsuldorlik "Rostov"da ko'rinmadi.

Noyabr oxirlarida Rostov klubida moliyaviy qiyinchiliklar boshlangani, qishki tanaffusda jamoani bir qator etakchilar (ular orasida Eldor ham bor) tark etishi haqida xabarlar tarqaldi. Bu xabarlar haqiqatga yaqin bo'lsa kerak, chunki jamoa o'yinida ham inqiroz kuzatildi. "Rostov" noyabr hamda dekabr oylarida o'tkazgan 5ta uchrashuvning bor-yo'g'i 1tasida g'alabaga erishdi. SHunday qilib, SHomurodov "Spartak"ga qarshi bahs bilan 2019 yilni yakuniga etkazdi.


Eldor SHomurodovning 2019 yildagi statistikasi
O'zbekiston terma jamoasiStatistika"Rostov"
12O'yin34
11Gol14
-Assist4
-Sariq kartochka3
-Qizil kartochka-


Reyting: +46   

Fikrlar

championat.asia
< so’nggi yangiliklarni ko’rish
Яндекс.Метрика