Eldor SHomurodov: "O'yinlar Saudiya Arabistonida o'tishi bizga qiyinchilik tug'dirmaydi"

- Terma jamoa ixtiyoriga keldingiz. Italiyaga qaytgach 14 kun karantinda o'tirish majburiy emasmi?
- Yo'q, Italiyaga qaytganimdan keyin karantinda o'tirishim shart emas, shunchaki koronavirus uchun test topshiramiz va bemalol klub ixtiyoriga qo'shilaman. Nasib qilsa turmush o'rtog'im va farzandimni Italiyaga olib ketaman.

- Oldinda turgan o'yinlar haqida nima deya olasiz?
- Gana va Iroq bilan o'yinlarga tayyorgarlik olib borayapmiz. Xabaringiz bor, yozda JCH saralashi doirasidagi uchta muhim uchrashuv bor. SHu o'yinlarga munosib tayyorgarlik ko'rish uchun, jamoa o'yinnini shakllantirish uchun o'rtoqlik bahslari juda ham kerak.

- Bizning guruh o'yinlarining markazlashgan holda Saudiya Arabistonida o'tishiga qanday qaraysiz?
- Yozda bu davlatda qanchalik issiq bo'lishini barcha biladi. OFKning munosabati juda ham to'g'ri deb hisoblamayman. Lekin barcha bir xil sharoitda o'ynaydi va bizga buning hech qanday qiyinchiligi yo'q. Xudo xohlasa muxlislarni xursand qilish uchun barchasini qilamiz.