Edgar Gess: "Maydon yaxshi bo'lganida "So'g'diyona" bizga katta muammolar tug'dirgan bo'lardi"

- O'yin qiyin bo'ldi. Maydon sifati juda yomon edi. SHu sababli uzoq masofaga to'p oshirishlari bilan o'ynadik. Umuman olganda futbolchilar ko'rsatmalarimni to'g'ri bajarishdi. Agar maydon yaxshi bo'lganida Davron Fayziev jamoasi bizga katta muammolar tug'dirgan bo'lardi. "So'g'diyona"ning yangi stadioni ochilsa, jizzaxliklar bunday juda xursand bo'lishi aniq. Omadimiz keldi.

- "So'g'diyona" va "Andijon"ning kuchlari tengmi?
- Albatta, maydon sifatida yaxshi bo'lganida, mezbonlar va biz ham yaxshi o'yin ko'rsatgan bo'lar edik.

- Jamoangiz yaxshi o'ynadi. Hisob 0:2 bo'lganidan keyin himoyaga yotib oldingiz. Arablarga o'xshab o'yin cho'zdingiz. Bu oldindan rejalashtirilganmidi?
- Yo'q. Ramazonov jarohat olganidan so'ng, himoya haqida o'yladik. Ammo o'yin cho'zishga urinmadik. Bu kutilmaganda yuz berdi. Raqibni ham ayblamaymiz. Bu erkaklar sport turi. Og'riqqa chidash lozim.

- "Andijon"da qanday muammolar bor?
- "Andijon"da muammo yo'q. Klubimiz oldiga oliy ligada jon saqlab qolish va deyarli barcha futbolchilarga o'ynash imkoniyatini berish vazifasi qo'yilgan. Kelasi yilda esa bundanda kattaroq vazifalar qo'yiladi.