Edgar Gess: "Bunyodkor" bilan o'yindan oldin kayfiyatni yanada yaxshiladik

-O'yin qiziqarli o'tdi. Ikkala jamoada ham gol urish uchun ko'plab imkoniyatlar bo'ldi. Dastlabki bo'limda vaziyatlarning bittasidan unumli foydalandik. Tanaffusdan keyin yana ikkita gol urdik. Kayfiyatimiz yuqori bo'lgani bois bugun yaxshi o'yin namoyish etdik. To'g'ri, kubok uchrashuvi biz uchun chempionatdagidek muhim deya olmayman. SHunga qaramay, bugun g'alaba qozonib muxlislarni xursand eta oldik. Ishqibozlarga namoyish etgan o'yinimiz yoqdi deb o'ylayman. Bu bilan chempionatda “Bunyodkor”ga qarshi uchrashuv oldidan futbolchilarimiz yanada ruhlanishdi.

- Kubok bahsi bo'lgani uchun maydonga tusha olmayotgan ayrim futbolchilarga imkoniyat berdik. Misol uchun, bugun darvozaga Eldor Isaboevni qo'ydik. Bundan tashqari yana bazi futbolchilarni qanday holatda ekanligini ko'rib oldik. SHu sababli Vuyovich, Moshnyaga, Soliev, Abdullaev singari asosiy o'yinchilarga dam berishni lozim topdik. Lekin bugun ikkinchi tarkib bilan o'ynadik deya olmayman.

- Asqar Jadigerov bugun yomon taassurot qoldirmadi. Uning o'yiniga qanday baho berasiz?
- Asqar sekin-asta avvalgi formasini tiklashga harakat qilmoqda. Jadigerovni qanday o'yinchi ekanligini yaxshi bilamiz. Biz uni yana avvalgi o'yinlarini ko'rishni xohlaymiz. Ammo tushunish kerak, u bir yarim, ikki yil deyarli o'yin amaliyotiga ega bo'lgani yo'q. SHuning uchun unga biroz vaqt kerak. Ayni paytda Asqar o'zining 60 foiz o'yinini ko'rsatmoqda.