Edgar Gess: "Afsuski, xatolarimiz takrorlanmoqda"

- Bugun muxlislar qiziqarli o'yin guvohiga aylanishdi. Ancha shiddatkor bahs bo'ldi. Afsuski deyarli teng kurashlar ostida kechgan bahsda imkoniyatni boy berdik. Himoya chizig'imizga o'ziga bo'lgan ishonch etishmayapti. O'tgan o'yinlarda kuzatilgan xatolarni takrorlashda davom etayapmiz, - deydi Gess.

- Bugun tarkibda qilingan o'zgarishlar o'zini oqladimi?

- Qarshi hujumda vaziyatlar bo'layotgani bois raqibni jazolash uchun Abdumalik Abdullaevni maydonga tushirgandim. Ammo ko'zlagan maqsadimiz amalga oshmadi. Demakki, futbolchilarni maydonga tushirish borasida xatolikka yo'l qo'ydik.

- Birinchi davrda deyarli yakunlandi. Jamoaning keyingi rejalari qanday bo'ladi?

- Bu borada hali hech narsa deya olmayman. Boshqa jamoalarda bo'lgani kabi bizda ham muammolar bor. Birinchi davradan keyin jamoaning rejalari oydinlashadi. Tarkib borasida ham imkoniyatga qarab ish tutamiz.