ECHL. "Monako"dan "kambek" ko'ramizmi?
15 mar 2017 21:07
Yangiliklar
![](https://championat.asia/upload/storage/244939_original.jpg)
![](/upload/storage/244939_220.jpg)
ECHL. "Monako"dan "kambek" ko'ramizmi?
Evropa chempionlar ligasining nimchorak final o'yinlari bizga bir qator bir-biridan qiziqarli va shiddatli futbol uchrashuvlarini tuhfa qildi.
Manchesterda zargarona tarzda o'tgan "Manchester Siti" - "Monako" bellashuvi, Parijdagi PSJning "shovqini", Myunxen va Londonda "Arsenal"ning parchalanishi, Kataloniyada "Barselona" ko'rsatgan mo'jiza hamda kechagi "Lester"ning ertagi hali ko'p vaqt muxlislarning yodidan chiqmasligi aniq.
SHunday o'yinlar borligi uchun ham chempionlar ligasini sevamiz.
Bugun nihoyat chorak final yo'llanmasini qo'lga kiritadigan oxirgi ikkita jamoalar aniqlanadi.
Birinchi bahsda kerakli g'alabani qo'lga kiritgan "Manchester Siti"ga javob o'yinida oson bo'lmasligi aniq.
"Atletiko" dastlabki o'yinda mehmonda juda ishonchli g'alabani qo'lga kiritgan. SHu boisdan ham ular bugun biroz xotirjamlikka berilishlari mumkin. Lekin Kataloniyadagi o'yin tajribasidan kelib chiqadigan bo'lsak, Diego Simeone imkon qadar futbolchilarni 90 daqiqa diqqatli bo'lishlarini talab etadi. "Atletiko" agarda uchrashuv davomida konsentraciyani yo'qotmasa, unda "Bayer" o'z maydonida qila olmagan ishni "Visente Kalderon"da amalga oshirishi bu bahorda qor yog'ishiga teng. Lkin Bahorda qor yog'ib turishini inobatga oladigan bo'lsak, hali nazariy jihatdan "Atletiko" to'liq xotirjamlikka berilishiga erta. "Atletiko" evropaning eng kuchli sakkiz jamoasi orasiga kirish uchun kamida 90 daqiqani munosib tarzda o'tkazmog'i lozim.
Franciyada esa birinchi uchrashuvda qo'yib berilgan spektakl yana davom etish ehtimoli yuqori. "Monako"ning "Etixad"da ko'rsatgan ajoyib o'yinini yakunda Gvardiola jamoasi metin iroda namoyish etib "sindirgandi". Bu galgi to'qnashuvda "Monako"ga o'z uyidagi "devorlar" ham ko'maklashishi mumkin. Bu juftlik taqdiri hali nomalum, garchi "Siti"da ikkita to'p farqidagi ustunlik mavjud bo'lsada, "Monako"ning tajovuzkor o'yini bu tafovutni yo'qqa chiqara olish salohiyatiga ega.
Evropa chempionlar ligasi, 1/8 final.
Javob o'yinlari.
"Monako" - "Manchester Siti" (00:45)
"Stad de Luis" stadioni.
Bosh hakam: Janluka Rokki.
Birinchi uchrashuv: 3:5
"Atletiko" - "Bayer" (00:45)
"Visente Kalderon" stadioni.
Bosh hakam: Sergey Karasev.
Birinchi uchrashuv: 4:2
O’xshash yangiliklar
![AMP Logo](https://championat.asia/image/logo-amp.png)
Fikrlar