Dushanbe shahri raisi Rustami Emomali "Bunyodkor" stadioniga bordi va Ravshan Ermatov bilan uchrashdi

Bugun mehmonlar shahrimizdagi "Bunyodkor" stadioniga ham borishdi. CHilonzor tumani Bunyodkor shoh ko'chasida joylashgan mazkur o'yingoh 50dan ortiq sektorlarga ega va 34 ming tomoshabinga mo'ljallangan. Delegaciya azolari stadiondagi sharoitlarni ko'zdan kechirish davomida futbolchilar va tomoshabinlar uchun yaratilgan qulayliklar bilan tanishishdi. Stadiondagi "Futbol tarixi" muzeyidagi eksponatlar va o'zbekistonlik FIFA hakami Ravshan Ermatov bilan uchrashuvdan delegaciya azolari, ayniqsa, mamnun bo'ldilar. Rustami Emomali muzeyni tomosha qilar ekan "Paxtakor" jamoasida to'p tergan tojikistonlik faxriy futbolchi Nuriddin Amrievning fotosuratlarini ham ko'zdan kechirdi. O'zaro muloqot davomida Rustami Emomali Osiyo davlatlari orasida futbolni yanada rivojlantirish, Markaziy Osiyo futbol jamoalari o'rtasida musobaqalar tashkil etish fikrini bildirdi.

Malumot o'rnida qayd etish joiz, Rustami Emomali 2019 yilning aprel oyidan buyon Markaziy Osiyo futbol Associaciyasining prezidenti hisoblanadi. Samimiy ruhda o'tgan suhbat jarayonidan keyin Dushanbe shahri raisiga 7-raqamli futbolka va Ravshan Ermatovning dastxati tushirilgan sariq va qizil kartochkalar sovg'a qilindi.