Doston Tursunov: “Albaniya yaxshi taassurot qoldirdi”

Ravshan Haydarov boshqaruvidagi yoshlar terma jamoamiz kuni kecha Albaniya yoshlar terma jamoasiga qarshi sinov-nazorat uchrashuvini o'tkazdi. Unda vakillarimiz 3:1 hisobida ishonchli g'alabaga erishdi. Doston Tursunov boshchiligidagi himoya chizig'i vakillari shu kuni bexato o'yin ko'rsatdi. O'yindan so'ng “Neftchi” himoyachisi Tursunov bilan suhbatlashdik.

- Doston, U-19 yoshlar terma jamoamizning Turkiyada tashkil etgan yig'ini qanday o'tmoqda?
- Xudoga shukur, hammas yaxshi. Yig'in murabbiylarning rejasi bo'yicha o'tmoqda deyish mumkin. Mashg'ulotlarda barcha futbolchilar to'liq kuch bilan astoydil ter to'kmoqda.

- Albaniya yoshlar terma jamoasiga qarshi kechgan nazorat bahsi xususida nima deysiz?
- O'yin yaxshi bo'ldi. SHu kuni raqibdan kuchliroq o'yin ko'rsatdik deb o'ylayman. Buning natijasida g'alabaga erishdik. O'zim uchrashuvda 70-daqiqa harakat qildim. Murabbiylar barcha futbolchilarga imkoniyat berdi.



- Albaniyaning kuchli tomonlari nima bo'ldi?
- Albaniya o'z nomi bilan Evropa vakilidir. Uchrashuv davomida bu narsa bilinib turdi. SHaxsan menda Albaniya yaxshi taassurot qoldirdi. Bu raqibga qarshi ertaga yana ikkinchi sinov-nazorat bahsini o'tkazamiz.  

- Uchrashuvdan so'ng murabbiylar nima dedi?
- Odatdagidek yo'l qo'yilgan kamchiliklarni aytib, ularni bartaraf etishimiz uchun ko'rsatmalar berdi. Lekin jiddiy etirozlar bo'lmadi.