Diyor Turopov: “Qo'lga kiritilgan g'alabada barchaning xissasi bor”

Ushbu uchrashuvda “temiryo'lchilar” raqiblarini kichik hisobda mag'lubiyatga uchratishdi. O'yindan so'ng “Lokomotiv” klubi futbolchisi Diyor Turopov o'z fikrlari bilan o'rtoqlashdi.

“Bunyodkor”ga qarshi uchrashuvda muxlislar stadionni to'ldirib turishdi. SHunga yarasha o'yin ham chiroyli o'tdi. Biz raqiblarimizga qaraganda gol urish uchun ko'proq imkoniyatlar ega bo'ldik. O'sha vaziyatlarni golga aylantira olganimizda ikkinchi bo'lim osonroq bo'lardi. Birinchi davraga nisbatan ikkinchi davrada “Bunyodkor” ancha o'zgargan. 

Bir-birini yaxshi tushinib harakat qilishadi. SHuning uchun ham ikkinchi bo'limda bizdan ko'ra ko'proq ustunlik qildi. Jamoaviy o'yin evaziga shunday natijalarni qo'lga kiritdik. “Lokomotiv” jamoasida kim faoliyat yuritayotgan bo'lsa, ushbu g'alabalarda barchaning xissasi bor”, - deydi Diyor Turopov.

“Lokomotiv” jamoasida kim faoliyat yuritayotgan bo'lsa, ushbu g'alabalarda barchaning xissasi bor”

Jahongir Sotvoldiev yozib oldi