Chimyonda o'quv-mashg'ulot yig'ini o'tkazayotgan “Dinamo” 20 iyul kuni tog'dagi mashqlarni yakunlaydi. Ikki kunlik tatildan keyin tibbiy ko'rik o'tkazilgach, jamoa yana Toshkentda yig'iladi va nazorat bahslariga kirishadi.
Davron Fayziev shogirdlari 27 iyul kuni Toshkentdagi dastlabki nazorat bahsida G'uzorning “Sho'rtan” jamoasiga qarshi maydonga tushishsa, 29 iyulda “Lokomotiv-BFK”, 31 iyulda esa “Nurafshon” klubiga qarshi saf tortishadi. Ushbu o'yinlar bilan “Dinamo” 5 avgust kuni start oladigan Pro-Liga uchinchi davrasiga tayyorgarlik ko'radi.
“Dinamo” jamoasining Toshkentdagi nazorat o'yinlari:
27 iyul (juma)
Dinamo - Sho'rtan
29 iyul (yakshanba)
Dinamo - Lokomotiv-BFK
31 iyul (seshanba)
Dinamo - Nurafshon.
