"Dinamo" qachon gol uradi?

Kamo Gazarov boshchiligidagi jamoa ikkinchi davraning uchta o'yinining barchasida mag'lub bo'ldi. Bundan tashqari samarqandliklar mana shu uchta bahsda raqiblari darvozasiga bironta ham gol ura olishmadi.

"Nasaf" (0:5) va "So'g'diyona"ga (0:1) qarshi o'z maydonida, "Metallurg" (0:3) bilan safardagi o'yinlarda "arsonlar" safida gol ura oladigan futbolchi topilmadi.

"Dinamo" oxirgi marta birinchi davraning so'nggi turida "Navbahor"ga qarshi o'yinda gol urgandi (2:0). O'sha uchrashuvning 80-daqiqasida G'ulom O'runov tomonidan kiritilgan to'p hozirga qadar jamoa uchun so'nggisi bo'lib turibdi.

Demak, 280 daqiqadan buyon "Dinamo" gol ura olmayapti.

Keyingi turda jamoa Toshkentda "Bunyodkor" mehmoni bo'ladi.