Dilshod Jo'raev: “Olmaliq” jamoasining natijalari hozircha yomonmas, qolganini vaqt ko'rsatadi”
19 may 2017 16:01
Yangiliklar

Dilshod Jo'raev: “Olmaliq” jamoasining natijalari hozircha yomonmas, qolganini vaqt ko'rsatadi”

Kecha oliy liga 11-turidan o'rin olgan “Olmaliq” – “Metallurg” (1:0) uchrashuvi bo'lib o'tdi. Ushbu bahsdan so'ng “Olmaliq” klubi futbolchisi Dilshod Jo'raev o'yin haqida o'z fikrlarini bildirdi.

“Metallurg” jamoasiga qarshi uchrashuv muxlislarga yoqadigan hujumkor o'yin bo'ldi. Bu yilgi derbi avvalgilariga qaraganda boshqacha ruxda o'tdi. “Metallurg” xurmatga loyiq jamoa. Raqiblarimiz birinchi bo'limda juda yaxshi o'yin ko'rsatishdi. Ikkinchi bo'limda esa biz o'z o'yinimizni namoyish etdik va xaqli ravishda g'alaba qozondik. Tartibli himoya va tartibli hujum evaziga “Metallurg”ni mag'lubiyatga uchratdik. Har bir jamoada ko'tarilish va pasayish davri bo'ladi. Fikrimcha “Metallurg” jamoasi ushbu vaziyatdan chiqib ketadi va o'yin uslubiga ega bo'ladi. “Olmaliq” jamoasining natijalari hozircha yomonmas, qolganini vaqt ko'rsatadi”, - deydi “Olmaliq” klubi futbolchisi Dilshod Jo'raev.