Dilyaver Vaniev "So'g'diyona"ga qarshi o'yindan so'ng: "Toshkentda "Bunyodkor"dan ochko olib qaytishni istaymiz"
29 fev 2020 18:04
Yangiliklar
![](https://championat.asia/upload/storage/548660_original.jpg)
![](/upload/storage/548660_220.jpg)
Dilyaver Vaniev "So'g'diyona"ga qarshi o'yindan so'ng: "Toshkentda "Bunyodkor"dan ochko olib qaytishni istaymiz"
- Avvalo, barchani va xalqimizni mavsum boshlangani bilan tabriklayman. O'yindan so'ng ko'plab tabriklar kelmoqda. Umuman olganda o'yin va natijadan qoniqish hosil qildim. Uchrashuv davomida xatolar ko'p bo'ldi, raqibda havfli vaziyatlar etarlicha kuzatildi. Futbolchilar oxirgacha kurash olib borishdi, buning uchun ularga rahmat aytaman. Jamoaning salohiyati haqida ko'p gapirmoqchi emasman. Buni vaqt o'tgani sari bilib olasiz. Keyingi turni Toshkentda “Bunyodkor”ga qarshi o'tkazamiz. Poytaxtdan ochko bilan qaytishni istaymiz. Biz o'z o'yinimizni namoyish qilish va munosib qarshilik ko'rsatish uchun boramiz.
- Hisob yirik ko'rinish olishini kutganmidingiz? “Sug'diyona” Superligamizning kuchli jamoalaridan biri hisoblanadi...
- Ochig'i, bunday natijani kutmagandim. Raqib 0:3dan keyin ham o'zini yo'qotib qo'ymadi. Hujumlar uyushtirdi.
- Bugungi o'yinda jamoaga nima motivaciya bo'la oldi?
- Motivaciya haqida nima deyishim mumkin. Tarkibdagi futbolchilar ko'pi yosh. Ular bilan bir necha yildan beri ishlamoqdaman. Biz bugun o'yin tashkil qilishda yaxshi harakat qildik. Futbolda omad ham muhim ahamiyat kasb etadi. Tarkibdagi futbolchilar men uchun kuchli.
- “Mashal” ikkinchi bo'limda o'yinni tashlab qo'ygandek ko'rindi?
- Raqibimiz birinchi bo'limda kutilmagan ikkita o'zgarishni amalga oshirdi. SHuningdek ikkinchi bo'limda Nagaev maydonga tushdi va uchta hujumchi bilan o'yinni davom ettirishdi. Natijada faollikni oshirdi. Uzun paslar bilan o'ynashdi.
- Jamoa qo'shib olgan legionerlardan ko'nglingiz to'ldimi?
- Bugun asosiy tarkibda Ifeanyi harakat qildi. Hujumchi ortida o'ynadi. Nazarimda yomon ko'rinmadi. Yaxshi taasurot qoldirdi.
- “Barselona” akademiyasida tahsid olgan futbolchi jamoada qoladimi?
- Ha. U “Barselona” akademiyasi tarbiyalanuvchisi. Keyinchalik Ukrainaga ko'chib kelgan. Butunlay rus tilida muloqot qiladi. Muhimi maktab borligi ko'rinib turibdi. Bizning chempionatimiz bir muncha murakkab. Ko'plab kurashlar ro'y beradi. Uning qolishi yoki ketishi haqida aniq gap ayta olmayman. Vaqt ko'rsatadi. Hozircha jamoamizda. Transferlar oynasigacha barchasi aniq bo'ladi.
O’xshash yangiliklar
![AMP Logo](https://championat.asia/image/logo-amp.png)
Fikrlar