Dida: "Milan" rivojlanish bosqichida, murabbiylar shtabiga vaqt berish kerak"

"Jamoa hali rivojlanish bosqichida. To'g'ri, beshta o'yin o'tkazildi, ammo murabbiylar shtabiga ishlash uchun vaqt berish kerak. Pioli ko'plab xaridlarni amalga oshirdi va ularning har biri qanday poziciyalarni egallashi mumkinligini tushunish uchun vaqt talab qilinadi. Qolaversa, Italiyada ilgari o'ynamagan futbolchilar ham bor, ular hali A Seriyada o'ynash nimani anglatishini bilishmaydi", – dedi Dida.

"Milan" A Seriyaning joriy mavsumida 4 ta g'alaba va 1 ta mag'lubiyat qayd etib, "Inter"ga 1:5 hisobida imkoniyatni boy berdi. Jamoa 12 ochko bilan Italiya chempionati musobaqa jadvalida 2-o'rinda bormoqda. "Inter" esa 1-o'rinda (15 ochko).