Dibala yozda "Yuventus"ni tark etishi mumkin

Turinning "Yuventus" klubi hujumchisi Paulo Dibala yozgi transfer oynasida jamoani tark etishi mumkin, deb xabar berdi "Football Italia".

Manbaga ko'ra, "keksa sinora" rahbariyati mavsum boshida shartnomani uzaytirishdan bosh tortgan 27 yoshli argentinalik futbolchining kelishuv shartlarini yaxshilamoqchi emas. O'tgan yozda klub futbolchiga bonuslarni hisobga olgan holda yiliga 10 million evro maosh taklif qilgandi.

Argentinalikning amaldagi shartnomasi 2022 yil yozigacha amal qiladi, shu sababli Dibala shartnomani yozgacha uzaytirmasa, klub uni erkin agent sifatida qo'yib yubormaslik ilinjida kelgusi transfer oynasida sotishni rejaga kiritadi.

Dibala joriy mavsumda 16 ta uchrashuv o'tkazib, shulardan 3 tasida gol urgan va 2 ta golli uzatma bergan.