Denis Korostichenko: "Andijonda o'ynash qiyin, "Olimpik" bu erga kelib, birinchi raqamli bo'lib o'ynaydigan jamoa emas"

— Avvalo jamoamga bugungi o'yindagi harakatlari uchun minnatdorchilik bildiraman. Ehtimol o'yinchilarim orasida bunday tribunalar ostida, bunday qo'llab-quvvatlash bor joyda ilk bor o'ynayotganlari bordir. "Andijon"ni esa g'alaba bilan tabriklayman. Ular o'yin bo'yi hujumlar uyushtirishdi, bizni bosimda ushlab turishdi. Bahs so'nggida esa biroz charchab qoldik va to'p o'tkazdik. Maqsadimiz himoyadan o'ynab, qarshi hujumlarga chiqib ketish edi. Bizda vaziyat bo'ldi, ammo biz undan foydalana olmadik.

— "Andijon" standartlarda ancha xavfli harakat qiladi, bunga alohida tayyorgarlik ko'rilganmidi?

— Bu Superligada standartlarda eng yaxshi o'ynaydigan jamoalardan biri. Bubanya va Mamatkazinga qarshi personal o'yinchilar qo'ydik. Umuman olganda, hammasini to'g'ri qildik, ammo so'nggi vaziyat o'xshamay qoldi.

— "Olimpik" "Andijon"ni umuman yuta olmagan. Bu haqda fikringiz qanday?

— Albatta, Andijonda o'zgacha atmosfera bor, buni hamma biladi. Bu erda o'ynash qiyin, "Lokomotiv" bilan kelganimda ham shunday bo'lgandi. Muxlislar jamoaga juda katta yordam berishadi. "Olimpik" bu erga kelib birinchi raqamli jamoa bo'lib o'ynaydigan jamoa emas. Bizga tajriba etmaydi, ehtimol bunga shu sababdir. "Andijon" o'yinchilari kuchliroq, ammo ular bunday muxlislar bilan yaxshiroq o'ynashlari kerak.