Debyut o'yinida qahramonga aylangan Alisher

SHu kuni Tojikiston terma jamoasi tarkibida o'zining ilk uchrashuvini o'tkazgan va unda qahramonga aylangan Alisher Jalilov matbuot anjumanida qatnashdi va o'zining taassurotlari bilan o'rtoqlashdi.

Alisher Jalilov: - Har bir bolakay bir kun kelib milliy jamoa safida o'ynashni orzu qiladi. Bugun mening orzuyim amalga oshdi. Men Tojikiston farzandi va shu jamoa libosini kiyganimdan faxrlanaman. Birinchi o'yin bo'lgani uchun hayajon sezildi. Biz yirikroq hisobda g'alaba qozonishimiz mumkin edi. Yaratilgan ko'plab vaziyatlarni golga aylantira olmadik. Hali ishlashda davom etamiz. CHunki har doim rivojlanish va o'sish kerak. 

Men hech qanaqasiga ham o'yin qahramoni bo'lganim yo'q. Maydonda bir o'zim emas, balki butun jamoa o'ynadi. Ular menga gol urishda juda katta yordam berishdi. Muxlislar manzili tomon esa faqat iliq so'zlarni aytishim mumkin. Ularga katta rahmat! Biz ularsiz hech qanday natijaga erisha olmaymiz. 

Debyut o'yinni o'tkazish bir baxt. Debyutda gol urish esa... Yaxshisi buni sharhsiz qoldirganim maqul. Qanday xursand bo'lganim va golni qay tariqa nishonlaganimning o'ziyoq ko'p narsani aytib turibdi. Men urgan golimni "Istiqlol" klubim prezidentiga bag'ishlayman. CHunki o'yindan oldin debyut bahsida gol urishga vada bergandim.