Davron Fayziev: "Mag'lubiyatga loyiq emasdik"

- Barchani Mustaqillik bayramimiz bilan tabriklayman. Yurtimiz doimo tinch, osmonimiz musaffo bo'lsin. Bugun jamoamiz o'yin boshlanishi bilan bekorga kelmaganini isbotladi. Vazifamiz "Bunyodkor"ga qarshi jangovor o'yin ko'rsatish edi. "Bunyodkor" jamoasi bilan o'ynash mumkinligini shogirdlarimga takidlab o'tgandim. Faqatgina to'g'ri harakat, yuqori xushyorlikni saqlagan holda tartibli o'yin ko'rsatish lozim edi. Himoyada juda etiborli bo'lishni ko'rsatmalar davomida alohida takidlab o'tgandim. Bugun yomon harakat qilmadik, faqatgina futboldagi mashhur: "sen urmasang, senga gol urishadi" naqli amalda yana bir bor o'z tasdig'ini topdi.

Birinchi davrada bo'lgani kabi bugun biz mag'lubiyatga loyiq emasdik.

Bugun ham jamoamizda gol urish uchun imkoniyatlar bo'lgandi. Lekin hujumni samarali yakunlaydigan, foydali ish koefficienti yuqori bo'lgan forvardlarni topish qiyin. Bizga ham shunday futbolchi, xususan hujumchi etishmayapti. Bu narsa bizga bugun yana bir bor pand berdi. O'yin menda yaxshi taassurot qoldirdi. Lekin yuzaga kelgan vaziyatlardan unumli foydalana olmaslik davom etmoqda.

Hujumchi muammosi faqat bizda emas, barcha jamoalarda bor. Bugungi g'alaba bilan "Bunyodkor" jamoasi muborakbod etaman.
O'yin uchun esa yigitlarimizda rahmat aytdim.
Bugungi bahs barchaga yoqdi, yaxshi taassurot qoldirdi, deb o'ylayman.