Davron Fayziev: "Lokomotiv" futbolchilari OCHLdagi o'yinlarda doim feyr-pleyga amal qilishardi"

"Lokomotiv"dek jamoaga qarshi bahsda ustunlik qilganimiz biz uchun katta sharaf. To'xtab qolishimiz kerak emas. Qiyin o'yin bo'ldi, umuman oxirgi paytda bizda oson o'yin bo'lmayapti. Bahslarga boy qiziqarli o'yin bo'lib o'tdi. Bitta vaziyat muxlislarning g'azabiga sababchi bo'ldi. Mayli bu futbol. Bu xato avvalo bizning xato. Yigitlarim qo'rqmasdan o'z o'yinlarini ko'rsatishdi. Biz g'alabaga loyiq edik. Futbol shunday holatlar bilan qiziq. Ishlashda davom etamiz", - deydi Davron Fayziev.

"Lokomotiv" futbolchilari OCHLdagi o'yinlarda doim feyr pleyga amal qilishgandi. Bugun esa negadir bunday bo'lmadi. Bizning futbolchi erda yotgan vaqtda raqib gol urib ketdi. Balki o'sha futbolchi jiddiy jarohat olgan bo'lsachi? Biz hujumga o'tsak ham bo'lardi, ammo jabrlangan futbolchiga yordam berish uchun to'pni autga chiqarib yuborilgandi.

Temur Hakimov 3 kun oldin mashg'ulotda tizzasini qayirib olgandi. Namangandagi bahsda juda yaxshi o'ynagandi. Hakimovdan tayyormisan deb so'ragandim. U tayyorman deb javob bergandi. Hakimovning nostandart harakatlari uchun maydonga tushirdim. Ammo jarohati baribir sezilib turdi. Akmal Xolmurodov o'tgan o'yinda qizil kartochka olgani tufayli bugun tushmadi. Jiyamurodov qattiq istimaladi va bugun sal o'ziga keldi.

Ertaga "Al Nasr" "Lokomotiv" bilan o'yinda shunday harakat qilsa "Lokomotiv" muxlislari qanday holatga tushisharkin? Raqib safda yulduz futbolchilar juda ko'p edi. Bo'lar ish bo'ldi, men "Lokomotiv"ga Osiyo chempionlar ligasida omad tilayman. Guruhdan keyingi bosqichga chiqishiga tilakdoshman. Barcha klublarimiz pley-offga chiqishini istayman, - deydi Fayziev.

"So'g'diyona" matbuot xizmati